திருவண்ணாமலை : காவலர் தேர்வுக்கு தமிழகமெங்கும் உள்ள இளைஞர்கள் தீவிரமாக பயிற்சியில் ஈடுபட்டுள்ளனர். கிராமங்களில் வாழும் மலைவாழ் மக்கள் தகுந்த பயிற்சி இல்லாமல், சிரமப்படுவதை கருத்தில் கொண்டு, மாவட்ட திருவண்ணாமலை மாவட்ட காவல் கண்காணிப்பாளர் திரு.அரவிந்த் அவர்களின் உத்தரவின்படி பயிற்சி வகுப்பு வழங்க ஏற்பாடு செய்யப்பட்டது.
திருவண்ணாமலை மாவட்டம் போளூர் அடுத்த ஜமுனாமரத்தூரில் மாவட்ட கண்காணிப்பாளர் அரவிந்த் அவர்களின் வழிகாட்டுதலின்படி மாவட்ட காவல்துறை மற்றும் சென்னை அப்போலோ பயிற்சி மையமும் இணைந்து மலைவாழ் மக்களுக்காக காவலர் தேர்வில் வெற்றி பெறுவது குறித்த இலவச பயிற்சி வகுப்புகள் 2020 போளூர் காவல் துணை கண்காணிப்பாளர் திரு.அறிவழகன் மற்றும் சமூக நீதி மற்றும் மனித உரிமைப் பிரிவு டிஎஸ்பி திரு.ரமேஷ் ஆகியோர் தலைமையில் நடைபெற்றது.
திருவண்ணாமலை மாவட்டத்திலிருந்து நமது குடியுரிமை நிருபர்
திரு.தாமோதரன்
