திருநெல்வேலி : திருநெல்வேலி மாவட்டம், சேரன்மகாதேவி பகுதியில் கொலை முயற்சி மற்றும் அடிதடி வழக்கில் ஈடுபட்ட சேரன்மகாதேவி, மேலத் தெருவை சேர்ந்த கணேசன் மகன் மாயாண்டி (28). என்பவர் கைது செய்யப்பட்டு சிறையில் உள்ளார். இந்நிலையில் இவரை குண்டர் சட்டத்தில் நடவடிக்கை எடுக்க திருநெல்வேலி மாவட்ட காவல் கண்காணிப்பாளர், N. சிலம்பரசன்,இ.கா.ப., பரிந்துரைப்படி மாவட்ட ஆட்சியர் உத்தரவுப்படி காவல் ஆய்வாளர், தர்மராஜ் மாயாண்டியை குண்டர் தடுப்பு சட்டத்தின் கீழ் திருச்சி மத்திய சிறையில் (21.03.2025) அன்று அடைத்தார். இதே போல் குற்ற வழக்குகளில் ஈடுபட்ட திருவேங்கடநாதபுரம் முப்புடாதி அம்மன் கோவில் சேர்ந்த தினேஷ் (27). என்பவர் மீதும் குண்டர் சட்டத்தின் கீழ் நடவடிக்கை எடுத்து சுத்தமல்லி காவல்துறையினரால் பாளையங்கோட்டை மத்திய சிறையில் (21.03.2025) அன்று அடைக்கப்பட்டார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
