கிருஷ்ணகிரி : நாகரசம்பட்டி அடுத்த வேலம்பட்டி, பகுதியைச் சேர்ந்தவர் விஜயகுமார், (40), விவசாயி. அதே பகுதியை சேர்ந்தவர் முனியம்மாள்,(41), இவர்கள் இருவரது நிலங்களும், அருகருகில் உள்ளன. இவர்கள் நிலங்களுக்கான நடைபாதை பிரச்னை கடந்த, 15 ஆண்டுகளாக இருந்து வந்த நிலையில், நேற்று முன்தினம் டிராக்டரில் சென்ற விஜயகுமாரை, தடுத்து நிறுத்திய முனியம்மாள் தரப்பினர் அவரை, பயங்கர ஆயுதங்களால் தாக்கியுள்ளனர்.
இதேபோல விஜயகுமார், தரப்பினரும் பதில் தாக்குதல் நடத்தியுள்ளனர். காயமடைந்தவர்கள் காவேரிப்பட்டணம் அரசு மருத்துவமனை மற்றும் கோயம்புத்துார், பெங்களூரு தனியார் மருத்துவமனைகளில், சிகிச்சை பெற்று வருகின்றனர். விஜயகுமாரின் தந்தை கிருஷ்ணன், புகார் படி, 6 பேர் மீதும், முனியம்மாள் தரப்பில் ராஜேஸ்வரி, அளித்த புகார் படி,ஏழு பேர் மீதும் நாகரசம்பட்டி, காவல் துறையினர், வழக்கு பதிந்து விசாரித்து வருகின்றனர்.
