திருநெல்வேலி: திருநெல்வேலி மாவட்ட காவல் அலுவலகத்தில் உள்ள மாவட்ட குற்ற ஆவண காப்பகத்தில் பெண் தலைமை காவலராக திருமதி. தங்கமலர்மதி, அவர்கள் பணிபுரிந்து வருகிறார்.
இவர் தனது பணியில் மிகவும் அர்ப்பணிப்பு உணர்வுடனும், ஈடுபாட்டுடனும் செயல்பட்டு, இருந்த இடத்தில் இருந்து கொண்டு CCTNS வலைதளம் மூலம் திருநெல்வேலி மாவட்டம் மட்டும் அல்லாது சென்னை, தூத்துக்குடி, விருதுநகர், மதுரை, இராமநாதபுரம், கன்னியாகுமரி, தென்காசி,திருப்பூர் மற்றும் தேனி ஆகிய மாவட்டங்களில் காணாமல் போனவர்கள் மற்றும் அடையாளம் தெரியாமல் இறந்து கிடந்த நபர்களின் புகைப்படங்களை CCTNS வலைதளம் மூலம் ஒப்பிட்டு பார்த்து அடையாளம் தெரியாமல் இறந்து போன 14 நபர்களை அடையாளம் கண்டுபிடிதுள்ளார். மேலும் திருநெல்வேலி மாவட்டத்தில் காணாமல் போன 12 இருசக்கர வாகனங்களையும் CCTNS வலைதளம் மூலம் கண்டுபிடித்துள்ளார்.
இதனை அறிந்த திருநெல்வேலி மாவட்ட காவல் கண்காணிப்பாளர் திரு.ப.சரவணன், இ.கா.ப அவர்கள் பெண் தலைமை காவலரின் அர்ப்பணிப்பு மற்றும் முழு ஈடுபாட்டினை பாராட்டி தலைமை காவலருக்கு பரிசு மற்றும் வெகுமதி வழங்கி பாராட்டு தெரிவித்தார்.
