நெல்லை: கஞ்சா விற்பனை செய்யப்படுவதாக போலீசாருக்கு புகார் வந்துள்ளது.போலீசார் ரோந்து பணியில் ஈடுபட்டுள்ளனர். இதை அறிந்த அந்த கும்பலைச் சேர்ந்த 4 பேர் நேற்று உடையார்பட்டிக்கு அரிவாளுடன் வந்துள்ளனர்.
அதில் இரண்டு பேர் கையில் அரிவாளுடன் உடையார்பட்டி-மேகலிங்கபுரம் மெயின் ரோட்டில் நின்று கொண்டு பொதுமக்களை மிரட்டி உள்ளனர்.அப்போது அந்த வழியாக வந்தவர்களை வெட்டுவது போல் விரட்டி சென்றனர்.
இதுகுறித்த வீடியோ காட்சிகள் சமூக வலைதளங்களில் வேகமாகப் பரவியது.
இதையடுத்து நெல்லை சந்திப்பு போலீசார் வழக்குப்பதிவு செய்து அந்த கும்பலைச் சேர்ந்த வெள்ளபாண்டி என்பவரை நேற்று முன்தினம் கைது செய்தனர்.
மேலும் இதுதொடர்பாக தாழையூத்தை சேர்ந்த மந்திரமூர்த்தி மகன் மதன் (வயது 21), சிந்துபூந்துறையை சேர்ந்த மாரிமுத்து மகன் பாஸ்கர் (24), மேகலிங்கபுரத்தை சேர்ந்த சுரேஷ் மகன் சிவகணேஷ் (24) ஆகியோரை போலீசார் கைது செய்தனர்.