தேனி : தேனி மாவட்டம் பெரியகுளம் பகுதியில் பெய்த கன மழையால் ஆடு பாலம் அருகே உயர் அழுத்த மின் வயர் எதிர்பாராதவிதமாக அறுந்து விழுந்ததையடுத்து இரவு ரோந்து காவல் பணியில் இருந்த முதல் நிலை காவலர்கள் திரு. விமல்ராஜ் திரு. ராஜேந்திரன் ஆகியோர்கள் அசம்பாவிதம் எதுவும் ஏற்படாமல் தடுக்கும் விதமாக அவ்வழியாக வந்த பொதுமக்களையும் வாகன ஓட்டிகளையும் தடுத்து நிறுத்தி மாற்று வழியில் செல்லுமாறு அறிவுறுத்தினர். பின்பு மின்துறை உதவி பொறியாளரை தொடர்பு கொண்டு காவலர்கள் தகவல் தெரிவித்தனர் உடனடியாக மின்சார ஊழியர்களால் மின்சாரம் அந்தப் பகுதியில் மட்டும் துண்டிக்கப்பட்டு உடனடியாக அறுந்து கிடந்த மின்சார வயரை சரி செய்தனர். அசம்பாவிதம் ஏற்படாமல் மக்களை பாதுகாத்த காவலர்களுக்கு பொதுமக்களும் தன்னார்வலர்களும் தங்களது நன்றியையும் பாராட்டையும் தெரிவித்து வருகின்றனர்.
தேனியிலிருந்து நமது குடியுரிமை நிருபர்
திரு.P.நல்ல தம்பி
