சென்னை: சென்னையில் சட்ட விரோத செயல்களில் ஈடுபடும் நபர்களை கண்காணித்து, கைது செய்ய சென்னை பெருநகர காவல் ஆணையாளர் திரு.சங்கர் ஜிவால், இ.கா.ப, அவர்கள் உத்தரவிட்டுள்ளார்.
அதன் தொடர்ச்சியாக, M3 புழல் காவல் நிலைய ஆய்வாளர் தலைமையிலான காவல் குழுவினருக்கு கிடைத்த ரகசிய தகவலின் பேரில் காவல் குழுவினர் 21.06.2021 அன்று இரவு புழல், பெரம்பூர் செங்குன்றம் நெடுஞ்சாலை, கதிர்வேடு மேம்பாலம் அருகே வாகனத் தணிக்கையில் ஈடுபட்டிருந்தபோது,
அவ்வழியே வந்த Eicher லோடு வாகனத்தை நிறுத்தி விசாரணை செய்து, சோதனை செய்த போது, அதில் சட்டவிரோதமாக மதுபாட்டில்களை எடுத்து வந்த 1.வெங்கடேஷ், (வ/33) சேலம் 2.கார்த்திக், (வ/27) நாமக்கல் ஆகிய 2 நபர்களை கைது செய்தனர். அவர்களிடமிருந்து 180 மி.லி. அளவு கொண்ட 768 மதுபாட்டில்கள் மற்றும் Eicher லோடு வாகனம் கைப்பற்றப்பட்டது. மேலும் மேற்படி குற்ற எதிரிகள் மீது நீதிமன்ற நடவடிக்கை மேற்கொள்ளப்பட்டது.
