சிவகங்கை : சிவகங்கை மாவட்டம், காரைக்குடியில் தங்களுடைய பெண் பிள்ளைகள் காணாமல் போய்விட்டனர். என்று பெற்றோர்கள் அளித்த புகாரின் பேரில் வழக்கு பதிவு செய்யப்பட்ட 4 மணி நேரத்திற்குள் ஹரிசுதா (13), மற்றும் ரம்யா (13), என்ற இரண்டு இளம் பெண்களைப் பாதுகாத்த காரைக்குடி போலீசாரின் பணி நெகிழ்ச்சியை ஏற்படுத்தி உள்ளது. காரைக்குடி காவல் நிலையத்தில் மாலை 3.15 மணிக்கு புகாரைப் பெற்று, FIR (குற்றம் எண் 390/2022 U/S பெண் பிள்ளைகள் காணவில்லை, காரைக்குடி வடக்கு காவல் நிலையம்) பதிவு செய்து, இரவு 7.30 மணியளவில் சிறுமிகளைக் கண்டுபிடித்ததன் பின்னணியை விவரிக்கிறது புகாரின் பேரில் காரைக்குடி துணை காவல் கண்காணிப்பாளர் டாக்டர். ஸ்டாலின் (A.S.P), காவல் ஆய்வாளர் திரு. ராஜ்குமார், மற்றும் மகளிர்S.I ஆகியோர் சிறுமிகளின் பெற்றோரை அவர்களது வீட்டில் விசாரித்தனர். மேலும் அவர்கள் ஹரிசுதாவின் தந்தையின் மொபைலையும் சரிபார்த்தனர், அவர் இன்ஸ்டாகிராமில் ஆகாஷ் என்ற பையனுடன் தொடர்பில் இருந்தது கண்டுபிடிக்கப்பட்டது.
அவரது நெருங்கிய தோழிகள், அந்த நேரத்தில் ஹரிசுதா ஒரு தெரியாத எண்ணில் இருந்து அழைத்தது தெரியவந்தது. சந்தேகத்தின் பேரில் அழைப்பு வந்த இடத்தைக் போலீசார் கண்டுபிடித்தனர் அது தூத்துக்குடி அருகே காட்டப்பட்டது, மேலும் அவரது நெருங்கிய நண்பர்களைப் பற்றி விசாரித்ததில், அந்த பெண் தூத்துக்குடியில் உள்ள ஆகாஷை (இன்ஸ்டாகிராம் நண்பரை) சந்திக்க விரும்புவதையும் போலீசார் கண்டறிந்தனர். இதனால் தூத்துக்குடி இன்ஸ்பெக்டர் ஜோஸ், உதவியுடன் அந்த இடத்தில் தேடியபோது, அந்த இடத்தில் அந்த சிறுமிகள் தூத்துக்குடியில் இருந்து சென்னைக்கு செல்வது தெரியவந்தது. பின்னர் அந்த எண்ணிற்க்க்கு மீண்டும் அழைத்தனர். அது மலையாளி ஒருவருடையது. பஸ் நடத்துனரிடம் மொபைலைக் கொடுக்கச் சொல்லி, அவர் உதவியுடன் சிறுமிகளை பாதுகாப்பாக எட்டையபுரம் காவல் நிலையத்தில் (தூத்துக்குடி) ஒப்படைக்கச் செய்தனர் . பின்னர் A.S.P டாக்டர். ஸ்டாலின் தலைமையிலான குழுவினர் சிறுமிகளை அங்கிருந்து பத்திரப்படுத்தினர். இன்ஸ்பெக்டர் ராஜ்குமார் (காரைக்குடி வடக்கு), ஜோஸ் இன்ஸ்பெக்டர் தூத்துக்குடி, மகளிர் எஸ்ஐ .பூர்ண சந்தர பார்தி மற்றும் பயிற்சி எஸ்ஐ. மோகன்லால் ஆகியோரின் குழுப்பணி மிகவும் பாராட்ட தக்கதாக உள்ளது. A.S.P டாக்டர். ஸ்டாலின் துணை கண்காணிப்பாளராக பொறுப்பேற்றதில் இருந்து குற்றங்கள் குறைந்துள்ளதாக பொதுமக்கள் தெரிவிக்கின்றனர்.
சிவகங்கையிலிருந்து நமது குடியுரிமை நிருபர்
திரு.அப்பாஸ் அலி
