கடலூர்: கடலூர் மாவட்டம் வேப்பூர் போலீசார் சென்னை – திருச்சி தேசிய நெடுஞ்சாலையில் வேப்பூர் கூட்டுரோடு அருகே போலீசார் வாகனசோதனையில் ஈடுபட்டனர். அந்த வழியாக வந்த சரக்கு வாகனத்தை போலீசார் நிறுத்தினர். போலீசாரை பார்த்ததும், டிரைவர் சரக்கு வாகனத்தை நிறுத்தி விட்டு தப்பி ஓடிவிட்டார். போலீசார் வாகனத்தில் இருந்த மற்றொருவரை பிடித்து விசாரணை நடத்தினர். விசாரணையில் அவர் பெரியநெசலூரை சேர்ந்த சசிக்குமார் 37. என்பதும், ரேஷன் அரிசி கடத்தி வந்ததும் தெரியவந்தது. சசிக்குமாரை கைது செய்து 3 டன் ரேஷன் அரிசியையும், வாகனத்தையும் பறிமுதல் செய்தனர். மேலும் தப்பி ஓடிய டிரைவரை போலீசார் தேடி வருகின்றனர்.
