கள்ளக்குறிச்சி: கள்ளக்குறிச்சி மாவட்டம் உளுந்தூர்பேட்டை அருகே மினி லாரியில் ரேஷன் அரிசி கடத்தப்படுவதாக போலீசாருக்கு ரகசிய தகவல் கிடைத்தது. உளுந்தூர்பேட்டை துணை போலீஸ் சூப்பிரண்டு திரு.மகேஷ் மேற்பார்வையில் இன்ஸ்பெக்டர் திரு.தமிழ்வாணன் தலைமையில் போலீசார் சம்பவ இடத்துக்கு விரைந்து சென்று தீவிர கண்காணிப்பில் ஈடுபட்டனர். அப்போது உளுந்தூர்பேட்டை சேர்ந்த நாடு சாலையில் வந்த மினி லாரியை சந்தேகத்தின் பேரில் போலீசார் நிறுத்தி சோதனை செய்தபோது அதில் ரேஷன் அரிசி இருந்ததை கண்டுபிடித்தனர். மொத்தம் 3 டன் ரேஷன் அரிசி இருந்தது. மினி லாரிலாரியை ஓட்டி வந்தவர்களை போலீசார் விசாரணை செய்தனர். விசாரணையில் லாரியை ஓட்டி வந்தவர் கள்ளக்குறிச்சி சித்தலூரை சேர்ந்த அய்யப்பன் 20. ராவுத்தன் 20. என்பதும் ரேஷன் அரிசியை கேரளாவுக்கு கடத்தி செல்ல முயன்றபோது போலீசாரிடம் சிக்கியதும் தெரியவந்தது. இதையடுத்து அவர்கள் இருவரையும் கைது செய்தனர். பின்னர் அய்யப்பன் உள்பட 2 பேர் மீதும் போலீசார் வழக்குப்பதிவு செய்து விசாரணை நடத்தி வருகிறார்கள்.
