தூத்துக்குடி : தூத்துக்குடி மாவட்டம் முத்தையாபுரம் முனியசாமிகோவில் தெருவைச் சேர்ந்த செல்வக்குமார், பவதாரினி தம்பதியின் மகளான தியாஷிகா என்ற 2 வயது குழந்தை 21 நிமிடங்களில் 100 நாடுகளின் தேசிய கொடிகளை சரியாக அடையாளம் கண்டு இந்தியா புக் ஆப் ரெக்கார்ட்ஸ் சார்பாக பதக்கம் மற்றும் சான்றிதழ் பெற்றுள்ளார். மேற்படி பதக்கம் மற்றும் சான்றிதழ் பெற்ற குழந்தை தியாஷிகா மற்றும் அவரது பெற்றோர் (04.11.2022) தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்களை நேரில் சந்தித்து வாழ்த்து பெற்றனர். மாவட்ட காவல் கண்காணிப்பாளர் அவர்கள் மேற்படி குழந்தை தியாஷிகாவை பாராட்டி மென்மேலும் சாதனைகள் புரிய வாழ்த்தினார்.
