தூத்துக்குடி: தூத்துக்குடி மாவட்டம் கடந்த 17.01.2023 அன்று சிப்காட் காவல் நிலைய எல்லைக்குட்பட்ட தூத்துக்குடி கோரம்பள்ளம் அய்யனடைப்பு பகுதியைச் சேர்ந்த புலமாடன் மகன் சின்னதுரை 40. என்பவரது வீட்டின் பீரோவில் வைத்திருந்த 6 பவுன் தங்க நெக்லஸ் காணாமல் போயுள்ளது.
இதுகுறித்து சின்னத்துரை இன்று 14.02.2023 அளித்த புகாரின் பேரில் சிப்காட் காவல் நிலைய உதவி ஆய்வாளர் திரு. சங்கர் வழக்குப்பதிவு செய்து விசாரணை மேற்கொண்டதில் மேற்படி சின்னத்துரையின் உறவினரான கோரம்பள்ளம் அய்யனடைப்பு பகுதியைச் சேர்ந்த மாயாண்டி மகன் சின்னதுரை 21. என்பவர் மேற்படி பீரோவில் இருந்த தங்க நெக்லஸை திருடியது தெரிய வந்தது. இதனையடுத்து சிப்காட் காவல் நிலைய போலீசார் குற்றவாளி மாயாண்டி மகன் சின்னத்துரையை கைது செய்து அவரிடமிருந்த திருடப்பட்ட ரூபாய் 1,80,000/- மதிப்புள்ள 6 பவுன் நெக்லஸையும் பறிமுதல் செய்தனர்.
மேலும் இதுகுறித்து சிப்காட் காவல் நிலைய போலீசார் விசாரணை மேற்கொண்டு வருகின்றனர்.
