கள்ளக்குறிச்சி: கள்ளக்குறிச்சி மாவட்டம் சின்னசேலம் சின்னசேலம் அருகே கீழ்குப்பம் போலீஸ் சப்- இன்ஸ்பெக்டர் திரு.மியாடிக் மனோ தலைமையில் வாகன சோதனையில் ஈடுபட்டிருந்தனர். அப்போது அந்த வழியாக வந்த லாரியை நிறுத்தி சோதனை செய்தபோது அதில் ஏராளமான 13½ டன் ரேஷன் அரிசி இருந்தது. லாரி டிரைவரை பிடித்து விசாரணை செய்தபோது அவர் கடலூர் மாவட்டம், காட்டுமன்னார்கோவில் அருகே உள்ள குமராட்சியை சேர்ந்த ராஜேந்திரன் 55. என்பதும், புதுச்சேரியில் இருந்து ரேஷன் அரிசியை நாமக்கல்லுக்கு கடத்தி செல்ல இருந்ததும் தெரியவந்தது. டிரைவர் மற்றும் 13½ டன் ரேஷன் அரிசியுடன் லாரியை பறிமுதல் செய்து சின்னசேலத்தில் உள்ள தமிழ்நாடு நுகர்பொருள் வாணிப கழக சேமிப்பு கிடங்கில் சின்னசேலம் குடிமை பொருள் தனி தாசில்தார் கமலம் முன்னிலையில் ஒப்படைத்தனர்.
