தென்காசி : தமிழ்நாடு சீருடை பணியாளர் தேர்வாணையம் மூலம் நடத்தப்படும் 2022 ஆம் ஆண்டிற்க்கான இரண்டாம் நிலை காவலர்,இரண்டாம் நிலை சிறைக் காவலர் மற்றும் தீயணைப்பு வீரர் பதவிகளுக்கான எழுத்துத் தேர்வு இன்று (27.11.2022) மாவட்டத்திலுள்ள 10 தேர்வு மையங்களில் நடைபெறுகிறது இதில் 9417 ஆண்கள்,2400 பெண்கள் மற்றும் 1 திருநங்கை உட்பட மொத்தம் 11818 நபர்கள் தேர்வெழுதுகின்றனர்.இத்தேர்விற்கு காவல்துறைத் தலைவர்(தமிழ்நாடு போலீஸ் அகாடமி) திருமதி.ஜெய கௌரி IPS அவர்களின் தலைமையில் மாவட்ட காவல் கண்காணிப்பாளர் திரு.கிருஷ்ணராஜ் IPS அவர்களின் மேற்பார்வையில் 10 ADSP/DSP, 37 காவல் ஆய்வாளர்கள்,140 சார்பு ஆய்வாளர்கள் 940 காவல் ஆளிநர்கள் உட்பட மொத்தம் 1133 காவல் துறையினர் பாதுகாப்பு பணியில் ஈடுபட்டுள்ளனர்.இந்நிலையில் மாவட்டத்தில் தேர்வு நடைபெறும் மையத்தினை காவல்துறை தலைவர் அவர்கள் மற்றும் மாவட்ட காவல் கண்காணிப்பாளர் அவர்கள் ஆய்வு மேற்கொண்டனர்.
