சென்னை: ஆர்.கே.நகர் பகுதியில் ரோட்டில் கிடந்த பணம் ரூ.20,000/- ஐ நேர்மையாக காவல் நிலையத்தில் ஒப்படைத்தவருக்கு சென்னை பெருநகர காவல் ஆணையர் உத்தரவின் பேரில் காவல் இணை ஆணையர் பண வெகுமதி கொடுத்து கௌரவித்தார்.
சென்னை தண்டையார்பேட்டை சஞ்சய் சஞ்சய் காந்தி நகரில் வசித்து வரும் கரிமுல்லா என்பவர் ஏசி மெக்கானிக் வேலை செய்து வருகிறார். இவர் நேற்று முன்தினம் தெருவில் மளிகை பொருட்கள் வாங்க நடந்து சென்றுகொண்டிருந்தபோது, ரோட்டில் கவருடன் கீழே கிடந்ததை எடுத்து பார்த்தபோது, அதில் 20 ஆயிரம் பணம் இருந்துள்ளது. பணத்துக்கு உரிமையாளர் யார் என்று தெரியாததால் உடனே கரிமுள்ள பணத்தை எடுத்துக்கொண்டு அருகில் உள்ள ஆர்கே நகர் காவல் நிலையத்தில் நேர்மையாக காவல் ஆய்வாளரிடம் ஒப்படைத்தார். மேற்படி கீழே கிடந்த பணம் யாருடையது என்பது குறித்து ஆர்கே நகர் காவல் நிலையத்தில் விசாரணை செய்துவரும் நிலையில் நேர்மையாக கீழே கிடந்த பணத்தை எடுத்து காவல் நிலையத்தில் ஒப்படைத்து மற்றவர்களுக்கு முன்னுதாரணமாக செயல்பட்ட கரிமுல்லாவை சென்னை பெருநகர காவல் ஆணையாளர் திரு சங்கர் ஜிவால் ஐபிஎஸ் அவர்கள் உத்தரவின்பேரில் இணை ஆணையாளர் வடக்கு திரு.A.T. துரை குமார் ஐபிஎஸ் அவர்கள் நேரில் வரவழைத்து பணம் வழங்கி கௌரவித்தார்.
