சென்னை: திருச்சிராப்பள்ளி மாவட்டம் நவல்பட்டு காவல் சிறப்பு உதவி ஆய்வாளர் திரு.பூமிநாதன் அவர்கள் பணியின்போது ஆடு திருடர்களால் கொல்லப்பட்டு வீரமரணம் அடைந்தார்.
அவரின் குடும்பத்தினருக்கு சென்னை, தலைமைச் செயலகத்தில் மாண்புமிகு தமிழ்நாடு முதலமைச்சர் அவர்கள் முதலமைச்சர் பொது நிவாரண நிதியிலிருந்து 1 கோடி ரூபாய்க்கான காசோலையை அவரது மனைவி கவிதா அவர்களிடம் வழங்கினார்.
நிகழ்ச்சியின் போது உள் மதுவிலக்கு மற்றும் ஆயத்தீர்வைத் துறை கூடுதல் தலைமைச் செயலாளர் திரு.எஸ்.கே பிரபாகர் இ.ஆ.ப. மற்றும் காவல்துறை தலைமை இயக்குநர் / படைத்தலைவர் முனைவர் செ. சைலேந்திரபாபு, இ.கா.ப., அவர்கள் உடனிருந்தனர்.
