திருவண்ணாமலை : திருவண்ணாமலை மாவட்ட காவல் கண்காணிப்பாளர் மரு.கி.கார்த்திகேயன்,இ.கா.ப., அவர்களுக்கு கிடைத்த ரகசிய தகவலின்படி, திருவண்ணாமலை மதுவிலக்கு அமலாக்கப்பிரிவு காவல் துணை கண்காணிப்பாளர் திரு.ரமேஷ்ராஜ் அவர்கள் மேற்பார்வையில், செங்கம் மதுவிலக்கு அமலாக்கப்பிரிவு காவல் ஆய்வாளர் திருமதி.மலர் அவர்களின் தலைமையில், திருவண்ணாமலை மதுவிலக்கு அமலாக்கப்பிரிவு காவல் உதவி ஆய்வாளர் திரு.M.சுரேஷ் மற்றும் காவலர்கள் இணைந்து தண்டராம்பட்டு காவல் நிலைய எல்லைக்குட்பட்ட பகுதியில் நடத்திய தேடுதல் வேட்டையில் திருவண்ணாமலை மாவட்டம், தண்டராம்பட்டு வட்டம், ராயன்டபுரம் கிராமத்தை சேர்ந்த மணிகண்டன் (37), என்பவர் அவருக்கு சொந்தமான வீட்டின் அருகே கஞ்சா விற்பனையில் ஈடுபட்டிருந்தது கண்டுபிடிக்கப்பட்டு அவரை கைது செய்து உரிய நடவடிக்கை மேற்கொள்ளப்பட்டது. மேலும் அவரிடமிருந்து சுமார் 100 கிராம் எடையுள்ள கஞ்சா மற்றும் இருசக்கர வாகனம் ஒன்று கைப்பற்றப்பட்டது.
