சென்னை: சென்னை திருமுடிவாக்கம் பகுதியைச் சேர்ந்த பிரதீப்குமார் ஜனா, வ/25 என்பவர் வாடகைக்கு குடியிருந்து வருகிறார். பிரதீப்குமார்ஜனா கடந்த 16.05.2021 அன்று இரவு மேற்படி வீட்டில் இருந்தபோது, வீட்டின் உரிமையாளர் சுரேஷ்ராஜ் என்பவர் இரண்டு மாதமாக வாடகை தரவில்லை என வாக்குவாதம் செய்து கீழே கிடந்த 3 அடி நீளமுள்ள பிளாஸ்டிக் பைப்பை எடுத்து பிரதீப்குமார் ஜனாவை தாக்கியுள்ளார். மேற்படி சம்பவம் குறித்து பிரதீப்குமார் ஜனா, T13 குன்றத்தூர் காவல் நிலையத்தில் கொடுத்த புகாரின் பேரில் வழக்கு பதிவு செய்யப்பட்டது.
T13 குன்றத்தூர் காவல் நிலைய ஆய்வாளர் தலைமையிலான காவல் குழுவினர் சம்பவயிடத்திற்கு சென்று விசாரணை செய்து புகார்தாரரை தாக்கிய வீட்டின் உரிமையாளர் சுரேஷ்ராஜ், வ/40, திருமுடிவாக்கம் என்பவரை கைது செய்தனர். மேலும் அவர்மீது நீதிமன்ற நடவடிக்கை மேற்கொள்ளப்பட்டது.
