திண்டுக்கல் எஸ்.பி திரு.சீனிவாசன் மாவட்ட ஆட்சியர் அலுவலகம் முன்பு தலைக்கவசம் அணியாமல் வந்த இருசக்கர வாகன ஓட்டிகளுக்கு தலைக்கவசம் அணிவதன் அவசியம் குறித்து விழிப்புணர்வு ஏற்படுத்தினார்.
மேலும் தலைக்கவசம் அணியாத வாகன ஓட்டிகள் அனைவரும் இனி “தலைக்கவசம் அணிவோம்” என்று உறுதி மொழி எடுத்தனர். அப்போது அவர் பேசியதாவது: யானை வாங்க காசு இருக்கு. அங்குசம் வாங்க காசு இல்லை. என்பதுபோல ரூ 75 ஆயிரம் முதல் ஒரு லட்சம் ரூபாய் வரை மோட்டார் சைக்கிள்களை வாங்குகிறார்கள்.
ரூ 400 ரூபாய்க்கு ஒரு ஹெல்மெட் வாங்க மறுக்கிறார்கள். இதனால் பெரும் விபத்துக்கள் ஏற்பட்டு தலையில் அடிபட்டு அவர்கள் உயிர் இறக்க நேரிடுகிறது. இவர்களுக்குப் பின்னால் இவர்கள் குடும்பம் இருக்கிறது என்பதை அவர்கள் மறந்துவிடுகிறார்கள்.
இந்த குடும்பம் நடு தெருவில் நிற்க வேண்டிய நிலை ஏற்படும். இதனால் ஹெல்மெட் அணியாமல் யாரும் செல்ல வேண்டாம். இது உங்கள் குடும்பத்தினர் உற்றார் உறவினர்கள் நண்பர்கள் அனைவருக்கும் எடுத்துக் கூறுங்கள். இவ்வாறு அவர் பேசினார்.
