திருவாரூர் : திருவாரூர் மாவட்டம், நன்னிலம் உட்கோட்டம் குடவாசல் காவல் நிலைய முதல்நிலை காவலர் திரு.சிவானந்தம் என்பவர் (25.12.2023) அன்று இரவு ரோந்து பணி நியமிக்கப்பட்டு பணிபுரிந்து வந்தவர் அதிகாலை சுமார் 04.30 மணியளவில் சிமிழி பேருந்து நிறுத்தம் அருகே இருசக்கர வாகனத்தில் வந்து கொண்டிருந்த போது நிலை தடுமாறி கீழே விழுந்ததில், அவருக்கு பலத்த காயம் ஏற்பட்டுள்ளது. உடனடியாக ரோந்து காவலர்கள், விபத்தில் காயம் அடைந்த மேற்கண்ட காவலரை திருவாரூர் அரசு மருத்துவ கல்லூரி மருத்துவமனைக்கு சிகிச்சைக்கு அனுப்பி வைத்தனார். இத்தகவல் அறிந்த மாவட்ட காவல் கண்காணிப்பாளர் *திரு.S.ஜெயக்குமார், M.Sc, (Agri).,* அவர்கள் விபத்தில் காயமடைந்து சிகிச்சையில் இருந்த காவலரை திருவாரூர் அரசு மருத்துவமனைக்கு நேரில் சென்று பார்த்து ஆறுதல் கூறி நலம் விசாரித்தார்கள். மேலும் பணியில் இருந்த மருத்துவரிடம் காவலரின் உடல்நலன் குறித்து விசாரித்து நல்ல முறையில் உரிய சிகிச்சை அளிக்குமாறு கேட்டு கொண்டார்கள்.
திருவாரூரிலிருந்து நமது மொபைல் நிருபர்
திரு.சுரேஷ்
