சென்னை: எண்ணூர் பகுதியைச் சேர்ந்த லட்சுமிபதி, வ/35, என்பவர் 27.06.2021 அன்று இரவு வேலை முடித்து மாதவரம் ரவுண்டான அருகில் நடந்து சென்று கொண்டிருந்த போது, அங்கு இருசக்கர வாகனத்தில் வந்த இரண்டு நபர்கள் லட்சுமிபதியிடம் 1 செல்போன் மற்றும் ரூ.300/ ஐ பறித்துக்கொண்டு தப்பினர்.
மேற்படி சம்பவம் குறித்து லட்சுமிபதி M1 மாதவரம் காவல் நிலையத்தில் கொடுத்த புகாரின் பேரில் வழக்கு பதிவு செய்யப்பட்டது.
M1 மாதவரம் காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் விசாரணை செய்து வழிப்பறி வழக்கில் சம்பந்தப்பட்ட மேத்யூ ஜோசப், 22 செம்மண் பேட்டை, என்பவரை கைது செய்தனர்.
செல்போன் மற்றும் பணத்துடன் தலைமறைவாகியுள்ள அஜய் என்பவரை போலீசார் தேடிவருகின்றனர். மேற்படி மேத்யூ ஜோசப் மீது நீதிமன்ற நடவடிக்கை மேற்கொள்ளப்பட்டது.
