கோவை: கோவை சிவானந்தா காலனி பகுதியை சேர்ந்தவர் அஜித்குமார் 23.இவர் காந்திபுரம் பாரதியார் சாலையில் நடந்து சென்று கொண்டிருந்தார். அப்போது பைக்கில் வந்த நபர் ஒருவர் அஜித்குமாரை வழிமறித்து கத்தியை காட்டி 1,850 ரூபாய் பணத்தை பறித்துக் கொண்டு தப்பிச் சென்றார். புகாரின் பேரில், காட்டூர்போலீசார் வழக்கு பதிவு செய்து விசாரணை நடத்தினர். விசாரணையில் அஜித்குமாரிடம் பணம் பறித்தது ஈரோடு மாவட்டம் அந்தியூரை சேர்ந்த முருகேசன் 31 என்பது தெரிந்தது. அவரை போலீசார் கைது செய்து சிறையில் அடைத்தனர்.
