கோவை: கோவை கவுண்டம் பாளையம் பகுதியைசேர்ந்த 17 வயது சிறுமி கடந்த சில நாட்களுக்கு முன்பு திடீரென்று மாயமானார். இது குறித்து சிறுமியின் பெற்றோர் துடியலூர் காவல் நிலையத்தில் புகார் செய்தனர்.
அதன்பேரில் போலீசார் வழக்குப்பதிவு செய்து சிறுமியை தேடி வந்தனர். விசாரணையில் சிறுமியை கோவை கவுண்டம்பாளையம் கண்ணப்பன் நகர், நேதாஜி வீதியை சேர்ந்த லாரி டிரைவர் கோகுல் (வயது 22) என்பவர் திருமண ஆசை காட்டி திண்டுக்கல்லுக்கு கடத்திச் சென்றது தெரியவந்தது.
இதையடுத்து போலீசார் திண்டுக்கல் சென்று கோகுலையும் , அந்த சிறுமியையும் மீட்டனர். அவர்கள் துடியலூர் காவல் நிலையத்துக்கு அழைத்து வரப்பட்டனர் .இதுகுறித்து விசாரணை நடத்தியதில் சிறுமியை ஆசை வார்த்தை கூறி கடத்தி சென்று திருமணம் செய்ய முயற்சித்தது தெரியவந்தது.
இதை தொடர்ந்து போலீசார் கோகுல் மீது போக்சோ சட்டத்தின் கீழ் வழக்குப்பதிவு செய்து நேற்று கைது செய்தனர்.
