திருவண்ணாமலை : திருவண்ணாமலை இந்தியாவின் 75-வது சுதந்திர தினத்தை கொண்டாடும் வகையில் திருச்சி ரெயில்வே பாதுகாப்பு படை முதன்மை கோட்ட பாதுகாப்பு ஆணையர் திரு.எஸ்.ராமகிருஷ்ணன், ஆலோசனைபடி திருவண்ணாமலை ரெயில்வே பாதுகாப்பு படை சார்பில் சுதந்திர போராட்ட தியாகியை கவுரவிக்கும் நிகழ்ச்சி இன்று திருவண்ணாமலை காணா நகரில் உள்ள அரசு நடுநிலைப்பள்ளியில் நடைபெற்றது. காவல் உதவிஆய்வாளர்கள் திரு. ஆதித்யா மற்றும் திரு.சவரிமுத்து, ஆகியோர் முன்னிலை வகித்தனர்.
இதில் திருவண்ணாமலையை சேர்ந்த சுதந்திர போராட்ட தியாகி என்.தனக்கோடி (97) மற்றும் அவரது மனைவிக்கு நினைவு கேடயம் வழங்கி கவுரவிக்கப்பட்டது. தொடர்ந்து தியாகி தனக்கோடி, மாணவர்களிடம் தான் கலந்து கொண்ட விடுதலை போராட்டத்தின் நிகழ்வுகளையும், சிறைக்கு சென்று விடுதலைக்கு போராடியதையும் நினைவு கூர்ந்து பேசினார். மேலும் விழாவில் பள்ளி மாணவர்களுக்கு இனிப்பு மற்றும் பேனா, பென்சில் வழங்கப்பட்டது. இதில் பள்ளி மாணவர்கள், ஆசிரியர்கள் மற்றும் திருவண்ணாமலை ரெயில்வே பாதுகாப்பு படை உறுப்பினர்கள் என பலர் கலந்து கொண்டனர். முடிவில் தலைமை ஆசிரியை லட்சுமி நன்றி கூறினார்.
xதிருவண்ணாமலை மாவட்டத்திலிருந்து நமது நிருபர்
