கிருஷ்ணகிரி : கிருஷ்ணகிரி மாவட்டம் ஓசூர் சிப்காட் போலீசார் நேற்று முன்தினம் ஜூஜூவாடி சோதனைச்சாவடி அருகில் ரோந்து சென்றனர். அப்போது பெங்களூருவில் இருந்து ஓசூர் நோக்கி வந்த ஒரு ஆம்னி பஸ்சை நிறுத்தி சோதனை செய்தனர். அந்த பஸ்சில் 163 கிலோ தடை செய்யப்பட்ட குட்கா பொருட்கள் கடத்தி வந்தது தெரிய வந்தது. ஆம்னி பஸ் பறிமுதல் செய்யப்பட்டு விசாரணை நடத்தி வருகின்றனர்.
