மயிலாடுதுறை: மயிலாடுதுறை மாவட்டம் கொள்ளிடத்தை சேர்ந்தவர் முகமது யாசின் 44. இவர், வெளியூர்களில் உள்ள கடைகளுக்கு காரில் தடை செய்யப்பட்ட புகையிலை பொருட்களை விற்பனைக்கு கொண்டு செல்வதாக போலீசாருக்கு தகவல் கிடைத்தது.அதன்பேரில் தனிப்படை போலீசார் தைக்காலுக்கு சென்று சோதனையிட்டபோது அவருக்கு சொந்தமான காரில் தடைசெய்யப்பட்ட புகையிலை பொருட்கள் இருப்பதும், அவற்றை கடைகளுக்கு கொண்டு செல்ல இருந்ததும் தெரிய வந்தது. 14 மூட்டைகளில் வைத்திருந்த ரூ.1 லட்சத்து 25 ஆயிரம் மதிப்பிலான தடை செய்யப்பட்ட புகையிலை பொருட்களையும், காரையும் பறிமுதல் செய்தனர்.போலீசார் முகமது யாசினை கைது செய்து விசாரித்து வருகின்றனர்
