தூத்துக்குடி : தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் உத்தரவின்படி தூத்துக்குடி ஊரக உட்கோட்ட காவல் உதவி கண்காணிப்பாளர் திரு. சந்தீஷ் இ.கா.ப, அவர்கள் மேற்பார்வையில் சிப்காட் காவல் நிலைய ஆய்வாளர் திரு. சண்முகம் தலைமையில் உதவி ஆய்வாளர் திரு. ஹென்சன் பால்ராஜ், மற்றும் போலீசார் (21.11.2022) ரோந்து பணியில் ஈடுபட்டபோது சிப்காட் காவல் நிலைய எல்லைக்குட்பட்ட மாப்பிள்ளையூரணி தளவாய்புரம் பகுதியில் உள்ள அதே பகுதியை சேர்ந்த இலங்கை ராஜன் மகன் இளையராஜா (38), என்பவருக்கு சொந்தமான பெட்டிக்கடையில் சோதனை செய்ததில், அதில் மேற்படி இளையராஜா தடை செய்யப்பட்ட புகையிலை பொருட்களை சட்ட விரோத விற்பனைக்காக வைத்திருந்தது தெரியவந்தது.
உடனே மேற்படி போலீசார் குற்றவாளி இளையராஜாவை கைது செய்து அவரிடமிருந்த ரூபாய் 1675/- மதிப்புள்ள 930 புகையிலை பாக்கெட்டுகளை பறிமுதல் செய்தனர். மேலும் இதுகுறித்து சிப்காட் காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர்.
