கோவை: கேரளாவில் மதுக்கடைகள் திறந்து உள்ளதால் அங்கிருந்து கார், இருசக்கர வாகனம் மற்றும் ரயில்களில் மதுபாட்டில்கள் கடத்தி வரப்பட்டு கோவையில் அதிக விலைக்கு விற்பனை செய்யப்படுகிறது.
இந்த நிலையில் நேற்று கேரள மாநிலத்தில் இருந்து கோவை வந்த ஒரு ரயிலில் மதுபாட்டில்கள் கடத்தி வரப்படுவதாக போலீசாருக்கு தெரியவந்தது. கோவை ரயில்வே போலீசார் அந்த ரயிலில் சோதனை நடத்தினர்.
அப்போது அந்த ரயிலில் வந்த 3 பேரிடம் 17 மதுபாட்டில்கள் இருந்தது. ரயில்வே பாதுகாப்பு படை போலீசார் மது பாட்டில்களை பறிமுதல் செய்தனர். பிடிபட்ட 3 பேர் மீது வழக்கு பதிவு செய்து விசாரணை நடத்தி வருகின்றனர்.
