கோவை: கர்நாடகாவிலிருந்து நேற்று கோவை வழியாக கன்னியாகுமரி செல்லும் எக்ஸ்பிரஸ் ரயிலில் மது பாட்டில்கள் கடத்தி வருவதாக கோவை மதுவிலக்கு அமலாக்கப்பிரிவு பிரிவு போலீசுக்கு தகவல் வந்தது.
இதையடுத்து முன்பதிவு செய்யப்பட்ட பெட்டி ஒன்றில் போலீசார் சோதனை நடத்தினார்கள் . அதில் ஒரு சூட்கேஸ் கேட்பாரற்று கிடந்தது.
அதில் கர்நாடகாவில் இருந்து கடத்தி வரப்பட்ட 15 மதுபாட்டில்கள் இருந்தது கண்டுபிடிக்கப்பட்டது. அதை கடத்தி வந்த ஆசாமி போலீசாரிடம் சிக்காமல் இருக்க மதுபாட்டில்களை ரயில் பெட்டியில் போட்டு தப்பி ஓடிவிட்டார், அவரை போலீசார் தேடி வருகிறார்கள்.
நமது குடியுரிமை நிருபர்
A. கோகுல்
