சென்னை: புளியந்தோப்பு பகுதியை சேர்ந்த சூர்யா (எ) ஜெயசூர்யா, வ/21, என்பவர் கடந்த 14.06.2021 அன்று இரவு நரசிம்மன் நகர், 4வது தெருவில் நடந்து சென்று கொண்டிருந்த போது, அங்கு வந்த 5 பேர் கும்பல் மேற்படி சூர்யா (எ) ஜெயசூர்யாவை கத்தியால் தாக்கிவிட்டு அங்கிருந்த தப்பிச்சென்றது குறித்து P-4 பேசின்பாலம் காவல் நிலையத்தில் கொடுத்த புகாரின் பேரில் வழக்கு பதிவு செய்து விசாரணை செய்யப்பட்டது.
P-4 பேசின்பாலம் காவல் நிலைய ஆய்வாளர் தலைமையிலான காவல் குழுவினர் தீவிர விசாரணை செய்து மேற்படி சூர்யா (எ) ஜெயசூர்யாவை வழக்கில் சம்பந்தப்பட்ட 1. கொருக்குப்பேட்டை மாரி, வ/35, புளியந்தோப்பு 2.அஜித் (எ) தோல் அஜித், வ/22, புளியந்தோப்பு 3.மணியரசன், வ/22, புளியந்தோப்பு 4.கார்த்திக் (எ) பிள்ளை கார்த்திக், வ/32, புளியந்தோப்பு 5.மனோ, வ/31, புளியந்தோப்பு ஆகிய 5 நபர்களை 15.6.2021 அன்று காவல் குழுவினர் கைது செய்தனர்.
அவர்களிடமிருந்து 2 கத்திகள் கைப்பற்றப்பட்டது. மேலும் அவர்கள் மீது நீதிமன்ற நடவடிக்கை மேற்கொள்ளப்பட்டது.
