கோவை: கோவை தெற்கு தீயணைப்பு நிலையம் செயல்பட்டு வருகிறது. இந்த தீயணைப்பு நிலையத்தை பார்வையிட பல்வேறு பள்ளிகளை சேர்ந்த 50-க்கும் மேற்பட்ட மாணவ-மாணவிகள் வந்திருந்தனர். அவர்களை நிலைய அலுவலர் திரு. செல்வமோகன் வரவேற்று தீயணைப்பு நிலையத்தை சுற்றி காண்பித்து. பின்னர் அவர், மாணவ-மாணவிகளுக்கு பேரிடர் காலங்களின் போது தீயணைப்பு துறை எவ்வாறு விரைந்து செயல்பட்டு மீட்பு பணிகளில் ஈடுபடுகின்றனர். மேலும் காயமடைந்தவர்கள், தீ விபத்தில் சிக்கியவர்களை மீட்டு முதலுதவி சிகிச்சை அளிக்கும் முறைகள் குறித்து எடுத்து கூறினார். தொடர்ந்து அவர், மாணவ-மாணவிகளுக்கு தீ விபத்து ஏற்பட்டால் என்ன செய்ய வேண்டும் என்பது குறித்து விளக்கி கூறினார். வெள்ளத்தில் சிக்கும் போது மிதவைகளை பயன்படுத்தி தப்பித்து கொள்வது குறித்து தீயணைப்பு துறையினர் எடுத்து கூறினர்.
கோவையிலிருந்து நமது குடியுரிமை நிருபர்
A. கோகுல்
