திருவள்ளூர் : திருவள்ளூர் மாவட்டம், மீஞ்சூர் அருள் லட்சுமி நகரை சேர்ந்தவர் உமா (17), இவர் மீஞ்சூரில் உள்ள தனியார் பள்ளியில் 12ஆம் வகுப்பு படித்து வருகிறார். இன்று மாலை பள்ளி முடிந்து வீட்டிற்கு நடந்து சென்று கொண்டிருந்தார். சாலையில் நடந்து செல்லும்போது மாணவி உமாவை மீஞ்சூர் பஜாரில் மாடு முட்டியது. இதில் படுகாயமடைந்த மாணவி உமா மீஞ்சூர் அரசு ஆரம்ப சுகாதார நிலையத்திற்கு கொண்டு செல்லப்பட்டு முதலுதவி அளிக்கப்பட்டு மேல் சிகிச்சைக்காக சென்னை ஸ்டான்லி அரசு மருத்துவமனையில் அனுமதித்தனர். இந்த சம்பவம் குறித்து மீஞ்சூர் போலீசார் வழக்கு பதிவு செய்து விசாரணை மேற்கொண்டு வருகின்றனர். பள்ளி மாணவியை மாடு முட்டி படுகாயமடைந்த சம்பவம் சக மாணவிகள் மற்றும் பொதுமக்கள் மத்தியில் பரபரப்பை ஏற்படுத்தியது. மீஞ்சூர் பேரூராட்சி நிர்வாகம் மற்றும் காவல்துறையினர் நடவடிக்கை எடுக்குமா என சமூக ஆர்வலர்கள் கோரிக்கை வைக்கின்றனர்.
திருவள்ளூரில் இருந்து குடியுரிமை நிருபர்
திரு. பாபு
