தூத்துக்குடி : தூத்துக்குடி மாவட்டம், திருச்செந்தூர் அருள்மிகு சுப்பிரமணியசுவாமி திருக்கோவிலில் தைப்பூசம் திருவிழா நாளை மறுநாள் 05.02.2023 நடைபெறவுள்ளது. இந்த தைப்பூச திருவிழாவை முன்னிட்டு மாவட்ட காவல் கண்காணிப்பாளர் டாக்டர் திரு.எல். பாலாஜி சரவணன் அவர்கள், தலைமையில் ஒரு காவல்துறை கூடுதல் கண்காணிப்பாளர் 2 காவல் துணை கண்காணிப்பாளர்கள், 13 காவல் ஆய்வாளர்கள் மற்றும் உதவி ஆய்வாளர் உட்பட சுமார் 600 போலீசார் பாதுகாப்பு பணியில் ஈடுபடுத்தப்பட உள்ளனர். இதனை முன்னிட்டு தூத்துக்குடி மாவட்ட காவல் கண்காணிப்பாளர் டாக்டர் திரு.எல். பாலாஜி சரவணன் அவர்கள் இன்று 03.02.2023 திருச்செந்தூர் அருள்மிகு சுப்பிரமணியசுவாமி கோயில் வளாக பகுதிகளில் பாதுகாப்பு பணிகள் குறித்து நேரில் சென்று ஆய்வு செய்தார். இந்த ஆய்வின் போது திருச்செந்தூர் உட்கோட்ட காவல் துணை கண்காணிப்பாளர் திரு. ஆவுடையப்பன், திருச்செந்தூர் தாலுகா காவல் நிலைய ஆய்வாளர் திரு. முரளிதரன், திருச்செந்தூர் குற்றப்பிரிவு காவல் ஆய்வாளர் திருமதி. கனகாபாய், திருச்செந்தூர் போக்குவரத்து பிரிவு உதவி ஆய்வாளர் திரு. வேல்முருகன் ஆகியோர் உடனிருந்தனர்.
