தூத்துக்குடி: தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் உத்தரவின்படி கடம்பூர் மற்றும் ஓட்டப்பிடாரம் ஆகிய காவல் நிலைய எல்லைக்குட்பட்ட பகுதியில் பொதுமக்களிடம் “மாற்றத்தை தேடி” என்ற சமூக விழிப்புணர்வு நிகழ்ச்சி மூலம் விழிப்புணர்வு ஏற்படுத்தப்பட்டு உறுதிமொழி எடுக்கப்பட்டது.
அதன்படி கடம்பூர் காவல் நிலைய உதவி ஆய்வாளர் திரு. சத்யா மற்றும் போலீசார் கடம்பூர் காவல் நிலைய எல்லைக்குட்பட்ட தென்னம்பட்டி பகுதியில் பொதுமக்களிடமும், ஓட்டப்பிடாரம் காவல் நிலைய உதவி ஆய்வாளர் திரு. குருசாமி மற்றும் போலீசார் ஓட்டப்பிடாரம் காவல் நிலைய எல்லைக்குட்பட்ட ராமச்சந்திராபுரம் பகுதியில் பொதுமக்களிடமும் “மாற்றத்தை தேடி” விழிப்புணர்வு நிகழ்ச்சி மூலம் விழிப்புணர்வு ஏற்படுத்தினர்.
இதுவரை 3906 “மாற்றத்தை தேடி” விழிப்புணர்வு கூட்டங்கள் காவல்துறையினர் மூலம் மாவட்டம் முழுவதும் நடத்தப்பட்டு சுமார் 1,24,240 பொதுமக்களிடம் தூத்துக்குடி மாவட்டத்தை குற்றமில்லாத மாவட்டமாக உருவாக்குவதற்கு 36 வகையான கருத்துக்களை வலியுறுத்தி உறுதிமொழி எடுக்கப்பட்டுள்ளது.
