சென்னை: திருவேற்காடு பகுதியைச் சேர்ந்த பாபு , (வ /50) என்பவர் தனது வீட்டின் கீழ் தளத்தில் மளிகைக்கடை நடத்தி வருகிறார் விடியற்காலை வீட்டின் கீழ்தளத்தில் சத்தம் கேட்கவே , பாபு சென்று பார்த்தபோது, அங்கே இருந்த 2 நபர்கள் மளிகைக் கடையின் பூட்டை உடைத்து பணத்தை திருடிக் கொண்டு தப்ப முயன்றது தெரியவந்தது . உடனே , பாபு சத்தம் போட்டுக் கொண்டே பொதுமக்கள் உதவியுடன் குற்றவாளி ஒருவரை மடக்கி பிடித்து, T5 திருவேற்காடு காவல் நிலையத்திற்கு தகவல் கொடுத்தார்.
T5 திருவேற்காடு காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் சம்பவ இடத்திற்கு விரைந்து சென்று விசாரணை மேற்கொண்டு குற்றவாளி மதன்குமார், 20வியாசர்பாடி என்பவரை கைது செய்தனர். அவரிடமிருந்து பணம் ரூ.2,000 / – மற்றும் சிறிய இரும்பு கம்பி கைப்பற்றப்பட்டது. மேற்படி எதிரி மீது நீதிமன்ற நடவடிக்கை மேற்கொள்ளப்பட்டது.
















