திருநெல்வேலி: தேசிய மருத்துவர் தினம் 01.07.2021இன்று இந்தியா முழுவதும் கொண்டாடப்பட்டு வருகிறது. கொரோனா தொற்று காலங்களில் பொதுமக்களுக்கு சிறந்த பணியாற்றிய மருத்துவர்களின் பணியை போற்றும் வகையில் வள்ளியூர் காவல் ஆய்வாளர் திரு.சாகுல் ஹமீது அவர்கள் ஏற்பாட்டில் வள்ளியூர் அரசு மருத்துவமனை மருத்துவர்களுடன் இன்று வள்ளியூர் காவல்துறையினர் கேக் வெட்டி வாழ்த்துக்கள் தெரிவித்து மருத்துவர்கள் தினத்தை கொண்டாடினர்.
மேலும் வள்ளியூர் காவல் ஆய்வாளர் அவர்கள் மருத்துவர்களின் மெச்ச தகுந்த பணியினை வாழ்த்தி பேசியும், நினைவு பரிசுகள் வழங்கி மருத்துவர்களை கௌரவித்தார். காவல்துறையினர் இத்தகைய செயல் மருத்துவர்களுக்கு மிகுந்த மகிழ்ச்சியை ஏற்படுத்தியது. இந்நிகழ்ச்சியில் மருத்துவமனை மருத்துவர்கள், செவிலியர்கள், சுகாதார பணியாளர்கள், மற்றும் காவல்துறையினர் கலந்து கொண்டனர்.
