சிவகங்கை : சிவகங்கை மாவட்டம், திருப்பத்தூரில் சுதந்திரப் போராட்ட வீரர்களான மாமன்னர்கள் மருதுபாண்டியர்களின் 222வது நினைவு நாள் விழா வரும் அக், 24 ஆம் தேதி அரசு விழாவாக நடைபெற உள்ளது. அதற்கான முன்னேற்பாட்டு பணிகளை ஆய்வு செய்யும் பொருட்டு சிவகங்கை மாவட்ட ஆட்சியர் ஆஷா அஜீத் சிவகங்கை மாவட்ட காவல் கண்காணிப்பாளர் அரவிந்த், தேவகோட்டை வருவாய் கோட்டாட்சியர் பால்துரை ஆகியோர் ஆய்வு மேற்கொண்டனர். இந்த ஆய்வின் போது திருப்பத்தூர் நகர் காவல் துணை கண்காணிப்பாளர் ஆத்மநாதனிடம் பாதுகாப்பு பணிகள் குறித்து கேட்டறிந்தார்.
இந்த ஆய்வின் போது செயல் அலுவலர் ராதாகிருஷ்ணன் வட்டாட்சியர் வெங்கடேசன், மண்டல துணை வட்டாட்சியர் செல்லமுத்து, மற்றும் நகர் காவல் ஆய்வாளர் கலைவாணி சார்பு ஆய்வாளர் செல்வபிரபு, காவல்துறையினர் மற்றும் வருவாய் அலுவலர்கள் உடனிருந்தனர். பின்னர் பேருந்து நிலையம் எதிரேயுள்ள மருதுபாண்டியர் தூக்கிலிடப்பட்ட நினைவுத்தூண் அருகிலும் போக்குவரத்துப் பராமரிப்பு குறித்து ஆய்வு செய்தார். தொடர்ந்து தாலுகா அலுவலகத்தில் கணக்குப் பதிவேடுகளை ஆய்வு செய்யும் பணிகளையும் மேற்கொண்டார்.
சிவகங்கையிலிருந்து நமது குடியுரிமை நிருபர்
திரு.அப்பாஸ் அலி
