சென்னை: சென்னையில் சட்ட விரோத செயல்களில் ஈடுபடும் நபர்களை கண்காணித்து, கைது செய்ய சென்னை பெருநகர காவல் ஆணையாளர் திரு.சங்கர் ஜிவால், இ.கா.ப., அவர்கள் உத்தரவிட்டுள்ளதின் தொடர்ச்சியாக, தி.நகர் துணை ஆணையாளர் அவர்களின் தனிப்படையைச் சேர்ந்த உதவி ஆய்வாளர் திரு.பாலகிருஷ்ணன் மற்றும் R10 எம்.ஜி.ஆர். காவல் நிலைய ஆய்வாளர் தலைமையிலான காவல் குழுவினருக்கு கிடைத்த தகவலின் பேரில், காவல் குழுவினர் 18.5.2021 அன்று மதியம், ஜாபர்கான்பேட்டை, திருநகர் ரவுண்டு பில்டிங் அருகில் கண்காணித்தபோது, அங்கு சட்டவிரோதமாக மதுபாட்டில்கள் விற்பனை செய்து கொண்டிருந்த 1.கபாலி, வ/53, விக்னேஷ், வ/29, தீபக், வ/25, ஆகிய 3 நபர்களை கைது செய்தனர்.
அவர்களிடமிருந்து 180 மி.லி. அளவு கொண்ட 153 மதுபாட்டில்கள் கைப்பற்றப்பட்டு, அவர்கள்மீது நீதிமன்ற நடவடிக்கை மேற்கொள்ளப்பட்டது.
