மதுரை:மதுரை மாவட்ட சரக காவல் நிலையத்துக்கு உட்பட்ட பகுதியை சேர்ந்த நபர் ஒருவரை பழைய வாகனங்களை குறைந்த விலைக்கு தருவதாக கூறி செல்போனில் பேசி பணம் ரூ.2,39,400/-பெற்றுக்கொண்டு ஏமாற்றி வாகனத்தை தராமல் பண மோசடி செய்த நபர் மீது சட்டப்படி நடவடிக்கை எடுக்குமாறு கொடுத்த புகாரின் பேரில் காவல் கூடுதல் கண்காணிப்பாளர் சைபர் கிரைம் அவர்கள் தலைமையில் இயங்கி வரும் மதுரை மாவட்ட சைபர் கிரைம் காவல் நிலையத்தில் வழக்கு பதிவு செய்யப்பட்டது.
இந்நிலையில் மேற்படி சம்பவம் தொடர்பாக குற்றவாளியை கண்டுபிடிக்க மதுரை மாவட்ட காவல் கண்காணிப்பாளர் அவர்கள் உத்தரவின் பேரில் சைபர் கிரைம் ஆய்வாளர் தலைமையில் தனிப்படை அமைக்கப்பட்டு தீவிர விசாரணை மேற்கொள்பட்டு வந்தது
மேற்படி குற்றச் சம்பவம் தொடர்பாக விசாரணை செய்ததில் பழைய வாகனங்களை குறைந்த விலைக்கு தருவதாக கூறி செல்போனில் பேசி பணம் ரூ.2,39,400/-பெற்றுக்கொண்டு ஏமாற்றி நபர் சிவகங்கை மாவட்டத்தை சேர்ந்த சோலையன் மகன் மாணிக்கம் என்பதும் அவர் தற்போது கோயம்புத்தூரில் பதுங்கி இருப்பது தெரியவந்தது. மேற்படி எதிரியை தனிப்பட்டயினர் கைது செய்து அவரிடமிருந்து குற்ற ச்செயலுக்கு பயன்படுத்திய செல்போன், சிம் கார்டுகள், ஆகியவற்றை கைப்பற்றி நீதிமன்ற காவலுக்கு அனுப்பி வைத்தனர். மேலும் திருச்சி மற்றும் கோயம்புத்தூர் ஆகிய மாவட்டங்களிலும் குற்றவாளி கைவரிசை காட்டியிருப்பதும் விசாரணை தெரிய வந்தது.
இந்நிலையில் குற்ற சம்பவம் தொடர்பாக குற்றவாளியை யாரென்று கண்டறிந்து கைது செய்த தனிப்படையினரை மதுரை மாவட்ட காவல் கண்காணிப்பாளர் அவர்கள் வெகுவாக பாராட்டினார்கள்.
மேலும் இதுபோன்ற குற்ற செயல் ஈடுபடுவோர் மீது கடும் நடவடிக்கை மேற்கொள்ளப்படும் என மதுரை மாவட்ட காவல் கண்காணிப்பாளர் அவர்கள் எச்சரித்துள்ளதோடு பணமோசடி தொடர்பான சைபர் குற்றங்கள் சம்பந்தமாக பாதிக்கப்பட்டால் பொதுமக்கள் தாமதம் செய்யாமல் 1930 என்ற கட்டணமில்லா தொலைபேசியை தொடர்பு கொண்டு அல்லது இதர சைபர் குற்றங்கள் சம்பந்தமாக பாதிக்கப்பட்டால் WWW. cybercrime.gov.in என்ற இணையதளம் மூலமாக புகார் கொடுக்கவும் மதுரை புறநகர் மாவட்ட மக்கள் கேட்டுக் கொண்டுள்ளார்.
