குடிக்க பணம் தர மறுத்த நண்பர் மீது தாக்குதல் வாலிபர் மீது வழக்குப்பதிவு
மதுரை: குடிக்க பணம் தர மறுத்த நண்பர் மீது தாக்குதல் நடத்திய வாலிபர் மீது வழக்குப்பதிவு செய்து போலீசார் விசாரணை நடத்தி வருகின்றனர். மதுரை முனிச்சாலை இஸ்மாயில்புரம் பத்தாவது தெருவை சேர்ந்தவர் சுரேஷ்54.இவரது நண்பர் புதூரைச்சேர்ந்தவர் பாஸ்கர் சுரேசிடம், குடிக்க பணம் கேட்டார். பாஸ்கர், அதற்கு அவர் மறுத்து விட்டார்.
இதனால், ஆத்திரமடைந்த பாஸ்கர் சுரேஷை தாக்கி விட்டார். இது தொடர்பாக, தெப்பக்குளம் போலீசார் பாஸ்கர் மீது வழக்குப்பதிவு செய்து விசாரணை நடத்தி வருகின்றனர்.
கணவர் விஷம் குடித்து தற்கொலை
மனைவி புகாரில் போலீஸ் விசாரணை:
மதுரை: மதுரை பந்தடி எட்டாவது தெரு அருகே பால்மால் குறுக்குத் தெருவை சேர்ந்தவர் சந்திரசேகர் 52.
இவருக்கு குடிப்பழக்கம் இருந்தது.மன உளைச்சலில் இருந்து வந்தார். இந்நிலையில், வீட்டில் விஷம் குடித்து மயங்கிக் கிடந்தார்.
அவரை, சிகிச்சைக்காக அரசு மருத்துவ மனையில் சேர்த்தனர்.ஆனால், சிகிச்சை பலனின்றி சந்திரசேகர் பரிதாபமாக உயிரிழந்தார்.
இது குறித்து, தெற்கு வாசல் போலீசார் வழக்குப்பதிவு செய்து சாவுக்கான காரணம் குறித்து விசாரணை நடத்தி வருகின்றனர்.
வைகை ஆற்றில் மூழ்கி வாலிபர் பலி
போலீஸ் விசாரணை:
மதுரை: மதுரை ஆரப்பாளையம் சோனையா கோவில் அருகே வைகை ஆற்றில் ஆண் பிணம் ஒன்று இறந்த நிலையில் கரை ஒதுங்கியது. இந்த தகவல் அறிந்த, கிராம உதவியாளர் சந்தான முருகேசன் கரிமேடு போலீசில் புகார் செய்தார்.
போலீசார் இறந்தவர் உடலை மீட்டு, வழக்குப் பதிவு செய்தனர்.
அவர் யார் ?எந்த ஊரைச்சேர்ந்தவர் என்பது குறித்து விசாரணை நடத்தி வருகின்றனர்.
தவறி விழுந்த பெயிண்டர் பலி:
வேலை செய்த போது விபத்து:
மதுரை: மதுரைஅண்ணாநகரில், வேலை செய்தபோது தவறிவிழுந்து பெயிண்டர் பலியானது தொடர்பாக, போலீசார் விசாரணை நடத்தி வருகின்றனர்.
அண்ணாநகர் மேலமடை நடுத்தெருவை சேர்ந்தவர் ராஜேந்திரன் 49. இவர் பெயிண்டர் வேலை பார்த்து வந்தார்.இவர், அண்ணாநகர் யாகப்பா நகர் சர்ச்ரோட்டில் வீடு ஒன்றில் பெயிண்டிங் வேலை செய்து கொண்டிருந்தார்.
அப்போது, கால் தவறி தடுமாறி கீழே விழுந்தார். இதில் ,அவருக்கு தலையில் பலமாக அடிபட்டது. அவரை, சிகிச்சைக்காக மதுரை அரசு மருத்துவமனையில் சேர்த்தனர்.
ஆனால், அங்கு சிகிச்சை பலனின்றி ராஜேந்திரன் பரிதாபமாக உயிரிழந்தார்.
இது குறித்து, அண்ணாநகர் போலீசார் வழக்குப் பதிவு செய்து விசாரணை நடத்தி வருகின்றனர்.
மதுரையிலிருந்து நமது நிருபர்
திரு.ரவி
