இளம்பெண்ணை விபச்சாரத்திற்கு கட்டாயப்படுத்திய கேரள வாலிபர்கள் கைது.
மதுரை: மதுரை அண்ணா நகர் எட்டாவது குறுக்குத்தெருவில் இளம்பெண்ணை அடைத்து வைத்து விபச்சாரத்திற்கு பலவந்தம் செய்வதாக போலீசாருக்கு தகவல் கிடைத்தது.
இதைத்தொடர்ந்து விபச்சாரத்தடுப்பு போலீசார் அந்தப்பகுதியில் கண்காணித்து வந்தனர்.பின்னர் இந்தச்செயலில் ஈடுபட்ட கேரளா கொல்லம் மாவட்டம் மய்யநாடைச்சேர்ந்த சிபின்30,கேரளா கருமடி தாலுகா பாடி நரிமோம் பித்ராவை சேர்ந்த அஜய் 24,ஆகிய இருவரையும் கைது செய்தனர்.
கஞ்சாவுடன் வாலிபர் கைது.
மதுரை: மதுரை திலகர்திடல் போலீசார் ராஜா மில் ரோட்டில் ரோந்துப்பணியில் ஈடுபட்டனர்.அப்போது சந்தேகப்படும்படி நின்ற வாலிபரை பிடித்து விசாரித்தனர்.
அப்போதுஅவர் அதே பகுதியை சேர்ந்த முருகன் என்ற தக்காளிமுருகன் 39 என்பது தெரியவந்தது. அவரிடம் ஒன்றேகால் கிலோ கஞ்சா இருந்தது கண்டுபிடிக்கப்பட்டது. அவரை போலீசார் கைது செய்து அவர் மறைத்து வைத்திருந்த கஞ்சாவையும் பறிமுதல் செய்தனர்.
பஸ் மோதி பெண் பலி படிகட்டில் இறங்கியபோது விபத்து
மதுரை: மதுரை பெரியார் பேருந்து நிலையம் அருகே பஸ்ஸில் இறங்கிய பெண்பயணி மீது பஸ் மோதி பலியானது தொடர்பாக போலீசார் விசாரணை நடத்தி வருகின்றனர்.
விளாங்குடி யூனியன்பேங்க் காலனி நான்காவது தெருவை சேர்ந்தவர் மணிகண்டன் மனைவி இந்திராணி 43.இவர் பெரியார் பேருந்து நிலையத்திற்கு டவுன்பஸ்ஸில் பயணம் செய்தார்.பஸ் கட்டப்பொம்மன் சிலையருகே சென்றபோது இந்திராணி பஸ்ஸில்இருந்து கீழே இறங்கினார்.அப்போது படிக்கட்டில் இறங்கும்போது பஸ்மோதி தவறி விழுந்தார்.
இதில் பஸ் குலுங்கியதில் பலமாக அடிபட்டு சம்பவ இடத்திலேயே பலியானார்.இந்த விபத்து குறித்து போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.
குழந்தையின் செயின் பறிப்பு பைக் ஆசாமி கைவரிசை
மதுரை: மதுரை எஸ்.எஸ்.காலனியில் குழந்தையின் செயின்பறித்த பைக் ஆசாமியை போலீசார் தேடி வருகின்றனர்.
எஸ்.எஸ்.காலனி கண்ணதாசன் முதல் தெருவை சேர்ந்தவர் வினோதினிதேவி39.இவர் தன்குழந்தையுடன் ஜவஹர்மெயின்ரோட்டில் நடந்து சென்று கொண்டிருந்தார்.
அப்போது அந்த வழியாக பைக்கில் சென்ற ஆசாமி குழந்தை அணிந்திருந்த ஒன்றேகால் பவுன் தங்கசங்கிலியை பறித்துச்சென்று விட்டார்.இந்த சம்பவம் குறித்து எஸ்.எஸ்.காலனி போலீசார் வளக்குப்பதிவு செய்து .பைக் ஆசாமியை தேடி வருகின்றனர்.
கடன் தொல்லையால் குடும்பத்துடன் மாயம் கடத்தப்பட்டனரா போலீசார் விசாரணை
மதுரை: மதுரைஆரப்பாளயம் மெய்யப்பன் இரண்டாவது தெருவை சேர்ந்தவர் பிரபாகரன் 47.இவர் பல்வேறு இடங்களில் கடன் வாங்கிஉள்ளார்.இந்த கடனை திருப்பிச்செலுத்த முடியாமல் திண்டாடி வந்ததாக கூறப்படுகிறது.
இந்நிலையில் பிரபாகரன்47, மனைவிவாகேஸ்வரி44,மகள்கள் சக்தி11,மாதங்கி3 ஆகியோருடன் மாயமாகி விட்டனர்.இது குறித்து பிரபாகரன் அண்ணன் பாஸ்கரன் கரிமேடு போலீசில் புகார் செய்தார்.
போலீசார் வழக்குப்பதிவு செய்து பிரபாகரன் குடும்பத்துடன் மாயமானாரா?அல்லது கடன்தொகைக்காக கடத்தப்பட்டாரா என்பது குறித்து போலிசார் விசாரணை நடத்தி வருகின்றனர்.
மதுரையிலிருந்து நமது நிருபர்
