வாலுடன் பதுங்கியிருந்த 2 சிறுவர்கள் உள்பட 3 பேர் கைது:
மதுரை: மதுரை குருவிக்காரன் சாலையில், டாஸ்மாக் பார் பின்புறம் வாளுடன் பதுங்கி இருந்த இரண்டு சிறுவர்கள் உள்பட 3 பேரை போலீசார் கைது செய்தனர்.
அண்ணாநகர் சப்-இன்ஸ்பெக்டர் திருமதி.சுபா, போலீசாருடன் ரோந்து பணியில் ஈடுபட்டிருந்தார்.
அப்போது, குருவிகாரன் சாலையில் உள்ள ஒரு டாஸ்மாக் பார் பின்புறமாக சிலர் போலீஸாரை கண்டதும் பதுங்குவது தெரியவந்தது .
அவர்,போலீசாருடன் பின்புறமாக சென்று அவர்களை சுற்றி வளைத்து பிடித்தார். அவர்களில், அண்ணா பஸ் ஸ்டாண்ட் சாத்தமங்கலம் குறுக்கு தெருவை சேர்ந்த சிவகுமார் 19. மற்றும் சிம்மக்கல் எம.சி. காலனியைச் சேர்ந்த 17 வயது சிறுவன் சிம்மக்கல் அனுமார்கோவில் படித்துறையை சேர்ந்த மற்றொரு 17. வயது சிறுவன் மூன்று பேரும் ஆளுக்கு ஒரு வாலுடன் பதுங்கி இருந்தது தெரியவந்தது. அவர்களை கைது செய்து அவர்களிடமிருந்து மூன்று வாளையும் பறிமுதல் செய்தனர்.
கந்துவட்டி சித்திரவதை வாலிபர் விஷம் குடித்து தற்கொலை முயற்சி
போலீஸ் விசாரணை:
மதுரை: ஜந்து லட்சம் கடனுக்கு 12 லட்சம் வரை வசூலித்து கந்து வட்டி கேட்டு மிரட்டியதால், வாலிபர் விஷம் குடித்து தற்கொலைக்கு முயன்றது தொடர்பாக போலீசார் விசாரணை நடத்தி வருகின்றனர்.
திருப்பரங்குன்றம் ஆர்.வி.பட்டியை சேர்ந்தவர் செல்வராஜ் மகன் பாண்டியராஜன் 33 .இவர் கிருஷ்ணன் பழனி என்பவரிடம் 2011 ஆம் ஆண்டு ரூபாய் 5 லட்சம் கடன் வாங்கியுள்ளார். இந்த கடனுக்கு ரூபாய் பதிமூன்று லட்சம் வரை திருப்பி செலுத்தி உள்ளதாக கூறப்படுகிறது.
ஆனால், கூடுதலாக வட்டி கேட்டு கிருஷ்ணன் பழனியும் அழகர் என்பவரும் பாண்டியராஜனை ஆபாசமாக பேசி மிரட்டியுள்ளனர் .
இதனால், மனமுடைந்த பாண்டியராஜன் விஷம் குடித்து தற்கொலைக்கு முயன்று ஆபத்தான நிலையில் அவரை மதுரை அரசு மருத்துவமனையில் சிகிச்சைக்காக சேர்த்துள்ளனர்.
அங்கு , அவருக்கு தீவிர சிகிச்சை அளிக்கப்பட்டு வருகிறது.
இந்த சம்பவம் குறித்து, பாண்டியராஜன் திருநகர் போலீசில் புகார் செய்தார். போலீஸார் வழக்குப் பதிவு செய்து இரண்டுபேரிடமும் விசாரணை நடத்தி வருகின்றனர்.
பெண்ணை கையை பிடித்து இழுத்த வாலிபர் கைது:
மதுரை: மதுரை அவனியாபுரத்தில் மளிகை கடைக்கு சென்ற இளம் பெண்ணை கையை பிடித்து இழுத்த வாலிபரை போலீசார் கைது செய்தனர்.
அவனியாபுரம் காவேரி நகர் 4-வது தெருவைச் சேர்ந்தவர் 35 வயது இளம்பெண் .அவர் அதே பகுதியில், உள்ள ஒரு மளிகைக் கடைக்குச் சென்றார்.
அப்போது, வில்லாபுரம் வீட்டு வசதி வாரிய குடியிருப்பைச் சேர்ந்த சண்முகவேல் மகன் செல்வமுருகன் 21. என்ற வாலிபர் அந்த பெண்ணை கையை பிடித்து இழுத்து மானபங்கம் படுத்தியுள்ளார். இது குறித்து அந்த பெண் அவனியாபுரம் போலீசில் புகார் செய்தார். போலீசார் வழக்குப் பதிவு செய்து வாலிபர் செல்வ முருகனை கைது செய்தனர்.
அரிவாளால் வெட்டி பணம் செல்போன் பறிப்பு:
விருதுநகர் கதலம்பட்டி தெருவை சேர்ந்தவர் அய்யனார் 48.இவர் அவனியாபுரம் வைக்கம் பெரியார் நகர் மெயின் ரோட்டில் நடந்து சென்ற போது இரண்டு அடையாளம் தெரியாத நபர்கள் அவரை வழிமறித்து அரிவாளால் வெட்டி அவர் வைத்திருந்த 7 ஆயிரம் மதிப்புள்ள செல்போனையும் அவரிடம் இருந்த ரூபாய் முன்னூரையும் பறித்துச் சென்றுவிட்டனர் . இந்த சம்பவம் குறித்து ,அய்யனார் அவனியாபுரம் போலீசில் புகார் செய்தார். போலீசார் வழக்குப் பதிவு செய்து 2 வழிப்பறிஆசாமிகளையும் தேடி வருகின்றனர்.
முன்விரோதம் காரணமாக வாலிபர் மீது தாக்குதல்: தந்தை மகன் உள்பட 3 பேர் கைது:
மதுரை தெற்கு வெளி வீதி ஞானம்மாள் கோவில் தெற்கு சந்து பகுதியை சேர்ந்தவர் குமார் மகன் கார்த்திகேயன் 33 .இவருக்கும் கீரத்துரை மேல தோப்புவைசேர்ந்த சித்திரவேல் அவருடைய மகன் ஜெயபால் 47 இவர்களுடன், முன் விரோதம் இருந்தது.
இந்த நிலையில், தெற்கு வாசல் எப்.எப். ரோடு பகுதியில் சென்றபோது, சித்திரவேல் அவருடைய மகன் ஜெயபால் மற்றும் கீரை துறையை சேர்ந்த செல்வம் மகன் ஹரிஹரசுதன் 24 ஆகிய மூவரும் கார்த்திகேயனை பலமாக தாக்கியுள்ளனர். இந்த சம்பவம் குறித்து, கார்த்திகேயன் தெற்கு வாசல் போலீசில் புகார் செய்தார். போலீஸார் வழக்குப் பதிவு செய்து அவரை தாக்கிய தந்தை மகன் உள்பட மூவரை கைது செய்தனர்.
