போக்குவரத்து இடையூறாக உள்ள வாகனங்களை, போலீஸார் அகற்ற கோரிக்கை:
மதுரை: மதுரை நாராயணபுரம் மேற்கு மெயின் சாலை அபிராமி குறுக்குத் தெருவில் உள்ள இரு சக்கர வாகனங்கள் பழுது பார்க்கும் கடையில், போக்குவரத்து இடையூறாக ரோட்டின் குறுக்கே பழுதுபார்க்கும் இரு சக்கர வாகனத்தை நிறுத்துவதால், பொது மக்கள் அபிராமி நகருக்கு செல்ல மிகவும் சிரமத்துக்கு உள்ளாகின்றனர்.
இதுகுறித்து காவல் துறையினர் தக்க நடவடிக்கை எடுக்க பொதுமக்களும் இப்பகுதியில் குடியிருப்போரும் கோரிக்கை விடுத்துள்ளனர்.
நாராயணபும் மேற்கு மெயின் சாலைரயிலுள்ள இருசக்கர வாகன பழுதுபார்க்கும் கடையும், அதனை ஒட்டி சந்தில் உள்ள ஒர்க் ஷாப்பினரும் அபிராமி நகருக்கும், பரமசாமிநகர் 2-வது தெருவுக்கும் பொதுமக்கள் நடந்தும், இருசக்கர வாகனத்திலும் மற்றும் காரிலும் செல்ல முடியாதபடி வாகனத் சாலையின் குறுக்கே பல இரண்டு சக்கர வாகனத்தை நிறத்துவதாலும், மேலும் ,பல மாதங்களாக இருசக்கர வாகனங்கள் அப்புற படுத்தாமல் குறுகிய சாலையில் நிறுத்தியுள்ளதாலும், போக்குவரத்துக்கு மிகவும் சிரமத்துக்கு உள்ளாகின்றனர்.
நாராயணபுரத்திலிருந்து அபிராமி நகரருக்கு செல்வோரும், பரமசாமி நகர் இரண்டாவது தெருவில் குடியிருப்போரும், பொதுமக்களும் இந்த இருசக்கர வாகன பழுதுபார்க்கும் கடையை தாண்டி இந்த மிக குறுகிய பாதையின் வழியாகத்தான் செல்ல வேண்டும். இதில், போக்குவரத்துக்கு இடையூறாக பழுது பார்க்கும் இரண்டு சக்கர வாகனத்தை நிறுத்தி பழுதுபார்ப்பதால் , கார் மற்றும் இருசக்கர வாகனங்கள் சொல்ல முடியாமல் சிரமமும், பக்கத்து தெருவழியாக சுற்றியும் செல்ல வேண்டிய அவல நிலை உள்ளது. ஆகவே ,இது குறித்து தல்லாகுளம் காவல்நிலைய உயர் அதிகாரிகள் தக்க நடவடிக்கை எடுக்க பொதுமக்கள் கோரிக்கை விடுத்துள்ளனர்.
தற்கொலை செய்த கணவரின் உடலை அரசுக்குத் தெரியாமல் எரிப்பு மனைவி உள்பட 13 க்கும் மேற்பட்டோர் மீது வழக்குப்பதிவு செய்து போலீஸ் விசாரணை
மதுரை: தற்கொலை செய்துகொண்ட கணவரின் உடலை அரசுக்கு தெரிவிகாமல் எரித்த மனைவி உள்பட 13 க்கு மேற்பட்டோர் மீது வழக்குப்பதிவு செய்து போலீசார் விசாரணை நடத்தி வருகின்றனர்.
தனக்கன்குளத்தை சேர்ந்தவர் ஸ்டாலின்47. இவர் சம்பவத்தன்று வீட்டில் தூக்குப்போட்டு தற்கொலை செய்து கொண்டார். இவரது தற்கொலையை போலீசுக்கு தெரிவிக்காமல் மறைத்து மனைவி சுதா உறவினர்கள் மனோன்மணி உட் பட 13 க்கும் மேற்பட்டோர் ரகசியமாக எரித்துள்ளனர்.
இந்த சம்பவம் அறிந்த தனக்கன்குளம் வி.ஏ.ஓ. அழகேசன் திருநகர்போலீசில் புகார் செய்தார். போலீசார் ஸ்டாலினின் மனைவி சுதா ,உறவினர் மணோன்மணிஉள்பட 13 க்கும் மேற்பட்டோர் மீது வழக்கு பதிவு செய்து விசாரணை நடத்தி வருகின்றனர்.
தனக்கன் குளத்தில் முதியவர் தூக்கு காரணம் என்ன போலீஸ் விசாரணை;
மதுரை: மதுரை தனக்கன்குளம் நேதாஜி தெருவை சேர்ந்தவர் அம்மாசி65. இவர் வீட்டில் தூக்குப்போட்டு தற்கொலை செய்து கொண்டார் .இந்த சம்பவம் குறித்து மகன் விருமாண்டி திரு நகர் போலீசில் புகார் செய்தார். போலீசார் வழக்கு பதிவு செய்து முதியவர் அம்மாசியின் தற்கொலைக்கான காரணம் குறித்து விசாரணை நடத்தி வருகின்றனர்.
அவனியாபுரத்தில் வாலிபர் தூக்கு போட்டு தற்கொலை மனைவி புகாரில் போலீஸ் விசாரணை.
மதுரை: மதுரை அவனியாபுரம் வள்ளளானந்தபுரம் மெயின் ரோடு பகுதியை சேர்ந்தவர் மூர்த்தி மகன் பாண்டி 35. இவர் சில தினங்களாக மன உளைச்சலில் இருந்து வந்துள்ளார். இந்த நிலையில் வீட்டில் தனியாக இருந்தபோது தூக்கு போட்டு தற்கொலை செய்து கொண்டார். இந்த சம்பவம் குறித்து மனைவி யாவராணிஅவனியாபுரம் போலீசில் புகார் செய்தார். போலீசார் வழக்குப்பதிவு செய்து பாண்டியின் தற்கொலைக்கான காரணம் குறித்து விசாரணை நடத்தி வருகின்றனர்.
ஆண்டாள் புரத்தில் மனநிலை பாதிக்கப்பட்டவர் தூக்குப்போட்டு தற்கொலை.
மதுரை: மதுரை ஆண்டாள்புரம் கிழக்கு தெருவை சேர்ந்தவர் ராமசாமி மகன் செல்வராஜ். இவர் மனநிலை பாதிக்கப்பட்டிருந்தார். அதற்கான சிகிச்சையும் பெற்று வந்தார் .இந்த நிலையில் வீட்டில் தனியாக இருந்தபோது தூக்கு போட்டு தற்கொலை செய்து கொண்டார். இவரது தற்கொலை குறித்து மனைவி ராஜலட்சுமியும் புகாரில் சுப்பிரமணியபுரம் போலீசார் வழக்கு பதிவு செய்து விசாரணை நடத்தி வருகின்றனர்.
பயங்கர ஆயுதங்களுடன் வால் பைக் பறிமுதல் வாலிபர் கைது.
மதுரை: மதுரை கீரைத்துறை பகுதியில் பயங்கர ஆயுதங்களுடன் சுற்றித் திரிந்த வாலிபரை கைது செய்து அவரிடமிருந்து வாள் ஒன்றையும் பைக்கையும் பறிமுதல் செய்தனர்.
கீரைத்துரை சப் இன்ஸ்பெக்டர் துரைபாண்டி இவர் ரோந்துந்து பணியில் ஈடுபட்டிருந்தார். அப்போது சிந்தாமணி ரோடு சந்திப்பில் சந்தேகப்படும் படியாக சென்ற வாலிபரை தடுத்து நிறுத்தி சோதனை செய்தார். சோதனையில் அந்த வாலிபர் தான் ஓட்டிச் சென்ற பைக்கில் வாள்ஒன்றை மறைத்து வைத்திருந்தார்.
அவரிடம் விசாரணை செய்த போது அவர் முன்னுக்குப்பின் முரணாக பதில் அளித்தார். விசாரணையில் அந்த வாலிபர் ஆணையூர் முடக்கத்தான் அண்ணாநகரைச் சேர்ந்த சுந்தரபாண்டி மகன் சரவன மூர்த்தி 24 என்று தெரிய வந்தது .அவரை கைது செய்து அவர் ஓட்டிச் சென்ற பைக்கையும்ம் மறைத்து வைத்திருந்த வாளையும் பறிமுதல் செய்தார்.
மதுரையிலிருந்து நமது நிருபர்
திரு.ரவி
