கழுத்தை நெரித்து மனைவி கொலைகணவன் போலீசில் சரண்:
மதுரை: மதுரை எல்லீஸ் நகர் ஆர். சி .சர்ச் தெருவில் வசித்து வரும் நாகவேல் 33. இவருக்கும், சுதா என்பவருக்கும் கடந்த 3 மாதங்களுக்கு முன்பு திருமணமாகி உள்ளது.
நாகவேல் என்பவர் பெயிண்டிங் வேலை செய்துகொண்டு தனது மனைவி சுதா , அம்மா சாந்தி தம்பி தாஸ் ஆகியோருடன் குடியிருந்து வருகிறார்.
நேற்று இரவு நாகவேல் என்பவருக்கும் அவரது மனைவி சுதா என்பவருக்கும் தனியாக வீடு எடுத்து தனிக்குடித்தனம் செல்ல வேண்டும் என பேச்சுவார்த்தையின் போது தகராறு ஏற்பட்டு, கோபம் அடைந்த நாகவேல் மனைவி சுதாவை கைகளால் கழுத்தை இறுக்கி கொலை செய்துள்ளார்.
நாகவேல் ,தன் மனைவியை கொலை செய்து விட்டதாக நேரடியாக காவல் நிலையம் சென்று நாகவேல் சரணடைந்தார் . சம்பவ இடத்திற்கு விரைந்த எஸ். எஸ். காலனி போலீசார் சுதாவை உடலை கைப்பற்றி உடற்கூறு ஆய்வுக்காக மதுரை அரசு ராஜாஜி மருத்துவமனைக்கு அனுப்பி வைத்து, தீவிர விசாரணை மேற்கொண்டு வருகின்றனர்.
முன்விரோதத்தில் வாலிபர் மீது தாக்குதல் சிறுவன் கைது.
மதுரை: மதுரை தெப்பக்குளத்தில் முன்விரோதம் காரணமாக வாலிபரை தாக்கிய சிறுவனை போலீசார் கைது செய்தனர். அனுப்பானடி தெற்கு தெருவை சேர்ந்தவர் சுந்தரேஸ்வரர் 33. இவருக்கும் பழைய போஸ்ட் ஆபிஸ் சந்துவைசேர்நத் சிறுவன் ஒருவருடன் முன்விரோதம் இருந்து வந்தது.
இந்த நிலையில் அந்த சிறுவன் அவருடைய நண்பர்கள் தலைவா சரவணன் உள்பட 4 பேர் குடிபோதையில் சுந்தரேஸ்வரனை வழிமறித்து தாக்கியுள்ளனர் .இந்த சம்பவம் குறித்து சுந்தரேஸ்வரன் தெப்பக்குளம் போலீசில் புகார் செய்தார். போலீசா 4 பேர் மீது வழக்கு பதிவு செய்து சிறுவனை கைது செய்தனர்.
கணவர் தற்கொலை மனைவி புகாரில் போலீஸ் விசாரணை.
மதுரை: மதுரை ஆனையூர் கிருபாய் நகரை சேர்ந்தவர் பிரபாகரன் 28. இவருக்கு குடிப்பழக்கம் இருந்தது. இதனால் வீட்டில் அடிக்கடி தகராறு ஏற்பட்டது. இந்த நிலையில் மன உளைச்சலில் இருந்து வந்த பிரபாகரன் வீட்டில் தூக்குப்போட்டு தற்கொலை செய்து கொண்டார். இந்த சம்பவம் குறித்து மனைவி தமிழ்மொழி கூடல்புதூர் போலீசில் புகார் செய்தார். போலீசார் வழக்கு பதிவு செய்து கணவரின் தற்கொலைக்கான காரணம் குறித்து விசாரணை நடத்தி வருகின்றனர்.
மனைவி விஷம் குடித்து தற்கொலை கணவர் புகாரில் போலீஸ் விசாரணை.
மதுரை: மதுரை கே புதூர் லூர்து நகர் 9வது தெருவை சேர்ந்தவர் முகமது மைதீன் மனைவி பரக்கத் நிஷா 41. இவர் கடந்த சில நாட்களாக மன உளைச்சலில் இருந்து வந்துள்ளார். இந்த நிலையில் வீட்டில் விஷம் குடித்து மயங்கி கிடந்தார்.
அவரை சிகிச்சைக்காக அரசு மருத்துவமனையில் சேர்த்தனர். அங்கு சிகிச்சை பலன் இல்லாமல் பரக்கத் நிஷா பரிதாபமாக உயிர் இழந்தார். இந்த சம்பவம் குறித்து கணவர் முகமது மைதீன் கொடுத்த புகாரில் கே.புதூர் போலீசார் வழக்கு பதிவு செய்து விசாரணை நடத்தி வருகின்றனர்
சிறுவன் தூக்குப்போட்டு தற்கொலைபோலீஸ் விசாரணை.
மதுரை: மதுரை உத்தங்குடியில் வயிற்று வலியால் அவதிப்பட்ட சிறுவன் வீட்டில் தூக்கு போட்டு தற்கொலை செய்து கொண்டார்.உத்தங்குடி சின்ன மங்கல குடியைச் சேர்ந்தவர் முருகன் மகன் ராஜேஷ் கண்ணன் 17 .இவர் தொடர் வயிற்று வலியால் அவதிப்பட்டு வந்தார்.
இதற்கான சிகிச்சையும் பெற்று வந்தார்.ஆனால் குணமடையவில்லை .இதன் காரணமாக மனமுடைந்த சிறுவன் ராஜேஷ் கண்ணன் வீட்டில் தூக்குப்போட்டு தற்கொலை செய்து கொண்டார். இந்த சம்பவம் குறித்து தந்தை முருகன் கொடுத்த புகாரின் பேரில் கே.புதூர் போலீசார் வழக்கு பதிவு செய்து விசாரணை நடத்தி வருகின்றனர்.
செல்லூரில் பயங்கர தீ விபத்து மின்கசிவு காரணமாக தீ விபத்து.
மதுரை: மதுரை செல்லூரில் ரேடியோ மைக்செட் கடையில் மின்கசிவு காரணமாக ஏற்பட்ட தீ விபத்தில் பல லட்சம் மதிப்புள்ள பொருட்கள் எரிந்து நாசம். நாகமலை புதுக்கோட்டை சின்னகண்ணு நகரை சேர்ந்தவர் சரவணன் மனைவி ஈஸ்வரி43. இவர் செல்லூர் அகிம்சாபுரம் 6-வது தெருவில் ரேடியோ மைக் செட்டு கடை நடத்தி வருகிறார்.
இங்கு மின் கசிவு காரணமாக ஏற்பட்ட தீ விபத்தில் ரூ 22 லட்சம் மதிப்புள்ள ரேடியோ மைக்செட் உபகரணங்கள் எரிந்து சாம்பலாயின. இந்த விபத்து குறித்து ஈஸ்வரி கொடுத்த புகாரின் பேரில் செல்லூர் போலீசார் வழக்கு பதிவு செய்து விசாரணை நடத்தி வருகின்றனர்.
