அடையாளம் தெரியாத பைக் மோதி முதியவர் பலி. போலீஸ் விசாரணை.
மதுரை: மதுரை தெப்பக்குளத்தில் அடையாளம் தெரியாத பைக் மோதி முதியவர் இறந்தது தொடர்பாக போலீசார் விசாரணை நடத்தி வருகின்றனர்.
தூத்துக்குடி கீழ ஏரலை சேர்ந்தவர் கோபிநாத் 58. இவர் தற்போது அண்ணா நகர் முதல் தெருவில் குடியிருந்து வருகிறார் .இவர் தெப்பக்குளத்தில் இருசக்கர வாகனத்தில் சென்று கொண்டிருந்தார். அப்போது வேகமாக வந்த மற்றொரு அடையாளம் தெரியாத பைக் மோதியது.
பின்னர் அவர்கள் அங்கிருந்து தப்பிச் சென்று விட்டனர். இந்த சம்பவத்தில் கோபிநாத் சம்பவ இடத்திலேயே பலியானார். இதுகுறித்து போக்குவரத்து புலனாய்வு பிரிவு போலீசார் வழக்குப்பதிவு செய்து கோபிநாத் மீது மோதிய வாகனத்தை ஓட்டிச் சென்றது யார் என்பது குறித்து வழக்குப்பதிவு செய்து விசாரணை நடத்தி வருகின்றனர்.
மதுரை: மதுரை கூடல் புதூரில் மதுரை ஆலங்குளம் எஸ்.வி.பி நகர் 5வது தெரு வை சேர்ந்தவர் சுகுமார் 23. இவர் கூடல்புதூர் மெயின் ரோட்டில் எஸ்விபி நகரில் சென்றபோது 2 பேர் அவரை வழிமறித்து பிராந்தி பாட்டிலை காட்டி மிரட்டினர்.
பின்னர் அவர்கள் சுகுமார் அணிந்திருந்த செயினை பறித்து சென்று விட்டனர். இந்த சம்பவம் குறித்து சுகுமார் கூடல்புதூர் போலீசில் புகார் செய்தார்.
போலீசார் வழக்குப்பதிவு செய்து கூடல்புதூர் ரயிலார் நகர் வீட்டு வசதி வாரிய குடியிருப்பைச் சேர்ந்த சுரேந்தர் 22 ,சமயநல்லூர் ஊர் மச்சி குலத்தைச் சேர்ந்த சந்துரு என்ற குட்டிமணி 21 இருவரையும் கைது செய்தனர். மற்றொரு நபர் கருப்பையாவை தேடி வருகின்றனர்.
வீட்டை உடைத்து பித்தளை அண்டா திருட்டு.
மதுரை: மதுரை செல்லூர் பூந்தமல்லி நகர் கல்யாண சுந்தரபுரம் ஆறாவது தெருவை சேர்ந்தவர் மகேஸ்வரி 48. இவர் குடும்பத்துடன் வெளியே சென்றிருந்தார்
அப்போது நள்ளிரவில் வீட்டைஉடைந்துபுகுந்த மர்ம நபர்கள் வீட்டில் வைத்திருந்த 8500 ரூபாய் மதிப்புள்ள பித்தளை அண்டாவை திருடிச் சென்றுவிட்டனர் .இந்த சம்பவம் குறித்து செல்லூர் போலீசார் வழக்கு பதிவு செய்து திருட்டு ஆசாமிகளை தேடி வருகின்றனர்.
வீடு புகுந்து நகை திருட்டு வேலைக்காரர் மீது புகார்
மதுரை: மதுரை ரயில்வே காலனி மல்லிகை குடியிருப்பை சேர்ந்தவர் மாரியப்பன் 52 .இவர் வீட்டில் வைத்திருந்த நான்கரை பவுன் தங்க நகையை மர்ம நபர் திருடிச் சென்று விட்டார்.
இந்த திருட்டு தொடர்பாக மாரியப்பன் கரிமேடு போலீசில் புகார் செய்தார். அவரது வீட்டில் வேலைபார்க்கும் நபர் ஒருவர் மீது சந்தேகம் இருப்பதாக புகாரில் தெரிவித்துள்ளார். போலீசார் வழக்குப்பதிவு செய்து வேலைக்காரரிடம்விசாரணை நடத்தி வருகின்றனர்.
ஜாமீன் கைதிகள் தலைமறைவு போலீஸ் வலைவீச்சு.
மதுரை: மதுரையில் மீனாம்பாள்புரம் எஸ்எஸ் நகரை சேர்ந்தவர் கண்ணன் மகன் பாலமுருகன் 26 .இவர் வழக்கு ஒன்றில் கைதுசெய்யப்பட்டுமாவட்ட கோர்ட் ஸ்பெஷல் கோர்ட்டில் ஜாமீன் பெற்றிருந்தார்.
இந்நிலையில் ஜாமீன் காலம் முடிந்த பிறகும் அவர் நீதிமன்றத்தில் ஆஜராகவில்லை. இதுகுறித்து ஸ்பெஷல் கோர்ட் தலைமை எழுத்தர் கொடுத்த புகாரில் அண்ணாநகர் போலீசார் வழக்கு பதிவு செய்து அவரை தேடி வருகின்றனர்.
மற்றொரு நபர் டி. வாடிப்பட்டி தத்தப்பட்டி காலனியை சேர்ந்தவர் முனுசாமி இவரும் இதே நீதிமன்றத்தில் ஜாமீன் பெற்றிருந்தார் .இவரும்ஜாமீன் காலம் முடிவடைந்த பின்பும் நீதிமன்றத்தில் ஆஜராகவில்லை.
இது தொடர்பாகவும் தலைமை எழுத்தர் கொடுத்த புகாரில் அண்ணாநகர் போலீசார் வழக்குப்பதிவு செய்து தலைமறைவான பாலமுருகன், முனுசாமியை தேடி வருகின்றனர்.
பிரபல வீட்டு உபயோக பொருட்கள் விற்பனை நிலையத்தில் ஊழியர்கள் கையாடல்.
மதுரை: மதுரை பைபாஸ் ரோட்டில் உள்ள வீட்டு உபயோக பொருட்கள் விற்பனை நிலையத்தின் கிளை மேலாளர் தியாகராஜன் 31.இவர் எஸ் எஸ்.காலனி போலீசில் புகார் ஒன்றை கொடுத்துள்ளார்.
அந்த புகாரில் அவர்களது பைபாஸ் ரோடு கிளையில் டிவி பிரிட்ஜ் வாஷிங் மெஷின் போன்றவீட்டு உபயோக பொருட்கள் விற்பனை செய்யப்பட்டு வருகிறது.
இந்த நிறுவனத்தில் வேலை பார்ப்பவர்கள் பரமசிவன் மகன் மணிரத்தினம் 29 மதுரைவீரன் மகன் வீரமணி 25. இவர்களிருவரும் இந்த நிறுவனத்தில் உள்ள வீட்டு உபயோகப் பொருட்களை மோசடியாக சுமார் 9 லட்சத்து 33 ஆயிரத்து 60 மதிப்புள்ள பொருட்களை மோசடியாக விற்பனை செய்தது தெரிய வந்துள்ளது எனதெரிவித்துள்ளார்.
இந்த புகார் தொடர்பாக எஸ்.எஸ்.காலனி போலீசார் வழக்குப்பதிவுசெய்து ஊழியர்கள் மணிரத்தினம்,வீரமணி இருவரிடமும் விசாரணை நடத்தி வருகின்றனர்.
மனைவி இறந்த சோகத்தில் கணவர் தூக்கு போட்டு தற்கொலை.
மதுரை: மதுரை தெப்பகுளம் சி.எம்.ஆர்.ரோடுவை சேர்ந்தவர் பாலமுருகன் 52. இவருடைய மனைவி இரண்டு வருடங்களுக்கு முன்பு இறந்து விட்டார். மனைவி இறந்த சோகத்தில் பாலமுருகன் இருந்து வந்தார்.
இந்நிலையில் வீட்டில் தனியாக இருந்தபோது தூக்குப்போட்டு தற்கொலை செய்து கொண்டார். இந்த சம்பவம் குறித்துதெப்பக்குளம் போலீசார் வழக்கு பதிவு செய்து விசாரணை நடத்தி வருகின்றனர்.
திருமண ஆசைகாட்டி பிளஸ்-1 மாணவி கற்பழிப்பு வாலிபருக்கு வலைவீச்சு.
மதுரை: மதுரை பொன்மேனி பொன் முனியாண்டி கோவில் தெருவைச் சேர்ந்தவர் பிளஸ் 1 மாணவி .இவரும் திருமங்கலத்தைச் சேர்ந்த அசோக் குமார் என்பவரும் காதலித்து வந்துள்ளனர்.
இந்நிலையில் அசோக்குமார் மாணவியை திருமணம் செய்து கொள்வதாகக் கூறி அவரை ஆசை வார்த்தை காட்டி கற்பழித்துள்ளார்.
இந்த சம்பவம் குறித்து தெற்குஅனைத்து மகளிர் காவல் நிலையத்தில் புகார் செய்யப்பட்டது. போலீசார் வழக்கு பதிவு செய்து மாணவியை கற்பழித்த அசோக் குமாரை தேடி வருகின்றனர்.
மதுரையிலிருந்து நமது நிருபர்
