கடையை உடைத்து இரண்டு லட்சம் கொள்ளை மர்ம ஆசாமி கைவரிசை
மதுரை: நாகமலை புதுக்கோட்டையில் கடையை உடைத்து இரண்டு லட்சம் கொள்ளையடித்துச் சென்ற மர்ம ஆசாமியை போலீசார் தேடி வருகின்றனர்.
நாகமலை புதுக்கோட்டை பகத்சிங் நகரை சேர்ந்தவர் முருகானந்தம்48. இவர் தேனி மெயின் ரோட்டில் சைக்கிள் விற்பனை செய்யும் கடை நடத்தி வருகிறார்.இவர் வழக்கம்போல கடையை அடைத்து விட்டு வீட்டுக்கு சென்றார்.
பின்னர் மறுநாள் திரும்பி கடையை திறக்க வந்தபோது கடையின் பின் கதவு உடைக்கப்பட்டிருந்தது .கடையில் வியாபாரம் செய்து வைத்திருந்த ரூபாய் ஒரு லட்சத்து தொண்ணூற்று 5 ஆயிரத்தை மர்ம நபர்கள் திருடிச் சென்று விட்டனர்.
இந்த சம்பவம் குறித்து முருகானந்தம் நாகமலை புதுக்கோட்டை போலீசில் புகார் செய்தார். போலீசார் வழக்கு பதிவு செய்து திருட்டு ஆசாமிகளை தேடி வருகின்றனர்.
மதுரை அருகே சிலைமானில் வீட்டை உடைத்து பணம் நகை டிவி பொருள்கள் கொள்ளை
மதுரை: மதுரை அருகே சிலைமானில் வீட்டை உடைத்து பணம் நகை டிவி மற்றும் பொருட்களை கொள்ளையடித்துச் சென்ற மர்ம ஆசாமிகளை போலீசார் தேடி வருகின்றனர்.
மதுரை அருகே சக்கிமங்கலம் அன்னை சத்தியா நகரை சேர்ந்தவர் மீரா மைதீன் இர்சாத்27. இவர் சம்பவத்தன்று வெளியூர் சென்றிருந்தார். பின்னர் சில தினங்கள் கழித்து வந்து பார்த்தபோது வீட்டின் முன் கதவு உடைக்கப்பட்டிருந்தது.
வீட்டில் பீரோவில் வைத்திருந்த இரண்டு பவுன் தங்க நகை டிவி ஒன்று பணம் ரூபாய் 15,000 வெள்ளிச் சங்கிலி இரண்டு இவைகளை மர்ம நபர்கள் கொள்ளையடித்து சென்று விட்டனர்.
இந்த கொள்ளை தொடர்பாக மீராமைதீன்இர்சாத் சிலைமான் போலீசில் புகார் செய்தார். போலீசார் வழக்குப்பதிவு செய்து கொள்ளையர்களை தேடி வருகின்றனர்.
திருமங்கலத்தில் கொள்ளையர்களிடம் போராடிய பெண்
மதுரை: திருமங்கலத்தில் செயின்பறித்த கொள்ளையர்களிடம் பெண் போராடியபோது இரண்டாக அறுந்த சங்கிலியுடன் தப்பிச்சென்றபைக் ஆசாமிகளை போலீசார் தேடிவருகின்றனர்.
திருமங்கலம் ராயபாளையம் பெரிய தெருவை சேர்ந்தவர் பாண்டியம்மாள் 50. இவர் தனியார் நிறுவனத்தில் வேலை பார்த்து வருகிறார். வேலைக்கு சென்று விட்டு வழக்கம் போல ராயபாளையம் ஆலம்பட்டி மெயின் ரோட்டில் இவர் சென்றார்.
அப்போது அந்த வழியாக வந்த பைக் ஆசாமிகள் பாண்டியம்மாள் அணிந்திருந்த செயினை பறிக்க முயன்றனர் .அவர் தன் கைகளால் செயினை பிடித்துக் கொண்டு அவர்களிடம் இருந்து தப்பிக்க போராடினார் .ஆனால் அவரது சங்ஙிலி போராட்டத்தில் இரண்டாக துண்டிக்கப்பட்டது.
இதில் இரண்டு பவுன் சங்கிலி கொள்ளையர்களிடம் சிக்கிக்கொண்டது. அவர்கள் கையில்சிக்கிய பாதி செயினுடன் அங்கிருந்து தப்பி சென்று விட்டனர். இந்த சம்பவம் தொடர்பாக பாண்டியம்மாள் திருமங்கலம் போலீசில் புகார் செய்தார். போலீசார் வழக்கு பதிவு செய்து செயின் பறித்த பைக் ஆசாமிகளை தேடி வருகின்றனர்.
அதிவேகமாக பைக் ஓட்டி சென்றவரை தட்டிக் கேட்டவர் மீது தாக்குதல்
மதுரை: கே. புதூர் சத்தியாநகர் சம்பக்குளத்தை சேர்ந்தவர் கண்ணன் 40. இவர் அண்ணா நகரில் காரில் சென்றுகொண்டிருந்தார்.
அப்போது அவரைக்கடந்து அதி வேகமாக பைக்கில் சென்ற வாலிபரை கண்டித்துள்ளார். இதனால் ஆத்திரமடைந்த அந்த வாலிபர் கண்ணனை தாக்கி அவரது கார் கண்ணாடியை உடைத்துள்ளார்.
இந்த சம்பவம் குறித்து கண்ணன்அண்ணாநகர் போலீசில் புகார் செய்தார்.போலீசார் வழக்கு பதிவுசெய்து கண்ணனை தாக்கி கார் கண்ணாடியை உடைத்த சதாசிவம் நகர் திருவள்ளுவர் தெருவை சேர்ந்த அஜித் பாண்டி 20 என்பவரை கைது செய்தனர்.
மதுரையிலிருந்து நமது நிருபர்
திரு.ரவி
