கல்லூரி அருகே போதை மாத்திரை விற்பனை 2 வாலிபர்கள் கைது.
மதுரை; மதுரை திருப்பாலையில் கல்லூரி அருகே போதை மாத்திரை விற்பனை செய்த இரண்டு வாலிபர்களை போலீசார் கைது செய்தனர்.
திருப்பாலை போலீஸ் சப்-இன்ஸ்பெக்டர் திரு.கருணாநிதி .இவர் ரோந்து பணியில் ஈடுபட்டிருந்தார்.அவய் புது நத்தம் மெயின் ரோட்டில் உள்ள ஒரு கல்லூரி அருகே சந்தேகப்படும்படியாக நின்ற இரண்டு வாலிபர்களை பிடித்து விசாரித்தார்.
போதைமாத்திரைகளுடன் இருந்தது தெரியவந்தது. அவர்களை கைதுசெய்து அவர்களிடம் விசாரணை நடத்தினர். விசாரணையில் அவர்கள் வடக்குமாசி வீதியை சேர்ந்த கார்த்திக் 25 , மேலமாசிவீதியை சேர்ந்த அருள்பாண்டி 23 என்று தெரியவந்தது. அவர்களிடமிருந்து போதை மாத்திரைகளை பறிமுதல் செய்து அவர்கள் பதுக்கி வைத்திருந்த இருசக்கர வாகனத்தையும் போலீசார் பறிமுதல் செய்தனர்.
டீ கடையை உடைத்து பணம் சிகரெட் பண்டல்கள் கொள்ளை.
மதுரை; மதுரை சின்ன சொக்கிகுளம் பழைய அக்ரஹாரம் தெருவை சேர்ந்தவர் தர்மராஜ் 55.இவர் டீ கடை நடத்தி வருகிறார்.இவர் வழக்கம்போல் கடையை அடைத்துவிட்டு சென்ற நிலையில் நள்ளிரவில் டீ கடையை உடைத்து உள்ளே சென்ற மர்ம நபர்கள் கடையில் வைத்திருந்த ரூபாய் 6000 ரூபாய் 25 ஆயிரம் மதிப்புள்ள சிகரெட் பண்டல்களையும் கொள்ளையடித்து சென்று விட்டனர் .இந்த சம்பவம் குறித்து தர்மராஜ் தல்லாகுளம் போலீசில் புகார் செய்தார். போலீசார் வழக்கு பதிவு செய்து கொள்ளை ஆசாமிகளை தேடி வருகின்றனர்.
டூவீலர் ஓட்டி சென்ற பெண்ணிடம் 14 பவுன் நகை பறிப்பு.பைக் ஆசாமிகள் கைவரிசை.
மதுரை; டூவீலர் ஓட்டிச் சென்ற பெண்ணை பின்தொடர்ந்து 14 பவுன் தங்க சங்கிலி பறித்த ஆசாமிகளை போலீசார் தேடி வருகின்றனர். மதுரை புதுஜெயில் ரோடு முரட்டன்பத்திரி மெயின் வீதியை சேர்ந்தவர் தீபா 38.இவர் மதுரைகோட்ஸ் பாலம் தெற்குப் பகுதியில் டூவீலர் ஓட்டிச் சென்றார்.
அப்போது அவரை பின்தொடர்ந்து வந்த 2 ஆசாமிகள் தீபா அணிந்திருந்த 14 பவுன் தங்க சங்கிலியை பறித்து சென்று விட்டனர் .இந்த சம்பவம் குறித்து அவர் திலகர் திடல் போலீசில் புகார் செய்தார் .போலீசார் வழக்கு பதிவு செய்து அவரிடம் செயின் பறித்த பைக் ஆசாமிகள் இருவரையும் தேடி வருகின்றனர்.
சிறுமி தூக்கு போட்டு தற்கொலை” போலீசார் விசாரணை.
மதுரை: செல்போனில் தொடர்ந்து பேசிக் கொண்டிருந்ததை பெற்றோர் கண்டித்ததால் மனமுடைந்த சிறிது தூக்குப் போட்டு தற்கொலை செய்து கொண்டார். கூடல்புதூர் வைகைவீதி 2-வது தெருவைச் சேர்ந்தவர் ஜெயராஜ் மகள் ஜோகின்பெண்டா 16. இவர் வீட்டில் அடிக்கடி செல்போனில் பேசிக் கொண்டிருந்தார்.
இதை பெற்றோர் கண்டித்தும் அவர் கேட்கவில்லை .இதனால் அவரது செல்போனை எடுத்து எடுத்து பெற்றறோர் மறைத்து வைத்துவிட்டனர். இதன் காரணமாக மனமுடைந்த சிறுமி ஜோகின்பெண்டா வீட்டில் தூக்கு போட்டு தற்கொலை செய்து கொண்டார். இந்த சம்பவம் குறித்து கூடல்புதூர் போலீசார் வழக்கு பதிவு செய்து விசாரணை நடத்தி வருகின்றனர்.
யோகா செய்து கொண்டிருந்தபோது உயிரிழந்த வாலிபர் போலீஸ் விசாரணை.
மதுரை; மதுரை திருப்பாலையில் யோகா செய்து கொண்டிருந்தபோது வாலிபர் உயிரிழந்தது தொடர்பாக போலீசார் விசாரணை நடத்தி வருகின்றனர் .மதுரை சூர்யா நகர் மீனாட்சி அம்மன் நகர் வடக்கு ஆறாவது தெருவை சேர்ந்தவர் ஜெகதீபன் 39. இவர் வீட்டில் தினமும் யோகா செய்து வழக்கம்.
இந்தநிலையில் தனி அறையில் குண்டலினி யோகா செய்து கொண்டிருந்தபோது திடீரென்று மயங்கி விழுந்து உயிரிழந்தார்.இந்த சம்பவம் குறித்து அவருடைய அம்மா மல்லிகா திருப்பாலைபோலீசில் புகார் செய்தார். போலீசார் வழக்கு பதிவு செய்து அவரது பிரேதத்தை கைப்பற்றி பிரேத பரிசோதனைக்கு அனுப்பி வைத்தனர். இவருடைய சாவுக்கான காரணம் குறித்து விசாரணை நடத்தி வருகின்றனர்.
