வாலிபர் தூக்குபோட்டு தற்கொலை.
மதுரை: சகோதரியின் காதல் திருமணத்தால் ஏற்பட்ட கருத்து வேறுபாட்டில் மனமுடைந்த வாலிபர் தூக்கு போட்டு தற்கொலை செய்து கொண்டார் .
அவனியாபுரம் அருஞ்சுனை நகரை சேர்ந்தவர் கருப்பையா மகன் ரஞ்சித் குமார் 25.இவருடைய சகோதரி காதல் திருமணம் செய்து கொண்டதாக கூறப்படுகிறது. இதனால் குடும்பத்தில் அவருக்கும் குடும்பத்தினருக்கும் கருத்து வேறுபாடு ஏற்பட்டது.
இதன் காரணமாக மனமுடைந்த ரஞ்சித்குமார் வீட்டில் தனியாக இருந்தபோது தூக்கு போட்டு தற்கொலை செய்து கொண்டார்.
இந்த சம்பவம் குறித்து தந்தை கருப்பையா கொடுத்த புகாரில் அவனியாபுரம் போலீசார் வழக்கு பதிவு செய்து விசாரணை நடத்தி வருகின்றனர்.
வழுக்கி விழுந்த முதியவர் சாவு.
மதுரை: மதுரை புட்டுத்தோப்புவை சேர்ந்தவர் வீராச்சாமி 75. இவர் அந்தப்பகுதியில் உள்ள கடை ஒன்றில் தங்கியிருந்தார்.இந்நிலையில் சம்பவத்தன்று ஆந்தக் கடையில்வழுக்கி விழுந்து படுகாயமடைந்தார்.
அவரை சிகிச்சைக்காக மதுரை அரசு மருத்துவமனையில் சேர்த்தனர். அங்கு சிகிச்சை பலன் இல்லாமல் முதியவர் வீராச்சாமி பரிதாபமாக உயிரிழந்தார்.இந்த சம்பவம் குறித்து கரிமேடு போலீசார் வழக்கு பதிவு செய்து விசாரணை நடத்தி வருகின்றனர்.
பெண்ணிடம் நகை பணம் அபேஸ்.
மதுரை: மதுரைதெற்கு மாசி வீதியில் தீபாவளிக்கு துணிகள் வாங்கசென்ற பெண்ணிடம் நகை பணம் திருடிய மர்ம ஆசாமியை போலீசார் தேடி வருகின்றனர்.
செல்லூர்அகிம்சாபுரம் நான்காவது தெருவை சேர்ந்தவர் பிரவீன்குமார் மனைவி சிவரஞ்சனி29. இவர் தீபாவளிக்காக துணிமணிகள் வாங்குவதற்காக தெற்குமாசி வீதி சென்றிருந்தார்.
அங்கு உள்ள ஒரு பிரபல ஜவுளிக் கடையின் முன்பாக அவர் சென்றபோது அவர் பேக்கில் வைத்திருந்த ஒருபவுன் ஜோடிதோடு மற்றும் பணம் ரூபாய் 10 ஆயிரத்தை மர்ம நபர்கள் திருடி விட்டனர்.
இந்த சம்பவம் குறித்து சிவரஞ்சனி தெற்கு வாசல் போலீசில் புகார் செய்தார். போலீசார் வழக்கு பதிவு செய்து திருட்டு ஆசாமியை தேடி வருகின்றனர்.
வீடு புகுந்து 5 பவுன் செயின் திருட்டு.
மதுரை: மதுரைஅழகப்பன் நகரில் வீடு புகுந்து நகைதிருடிய ஆசாமியை போலீசார் தேடி வருகின்றனர்.
அழகப்ப நகர் ருக்குமணி தெருவை சேர்ந்தவர் மணி ராஜா45. இவர் குடும்பத்துடன் வெளியே சென்று இருந்தார். பின்னர் திரும்பி வந்து பார்த்தபோது வீட்டின் கதவும் பீரோவும் உடைக்கப்பட்டு இருந்தது.
பீரோவில் வைத்திருந்த 5 பவுன் தங்க சங்கிலியை மர்ம நபர்கள் திருடிச் சென்று விட்டனர .
இந்த திருட்டு தொடர்பாக மணி ராஜா சுப்பிரமணியபுரம் போலீசில் புகார் செய்தார்.போலீசார் வழக்கு பதிவு செய்து திருட்டு ஆசாமிகளை தேடி வருகின்றனர்.
பைக் திருட்டு.
மதுரை: மதுரை பெத்தானியாபுரம் மேட்டுத்தெரு முனியாண்டி சேர்வை தெருவை சேர்ந்தவர் வேல்முருகன்41. இவர் மாட்டுத்தாவணி காய்கறி மார்க்கெட்டுக்கு காய்கறி வாங்க சென்றிருந்தார்.
அவர் நுழைவாயில் முன்பாக தனது பைக்கை நிறுத்தி விட்டு சென்றார். பின்னர் திரும்பி வந்து பார்த்தபோது பைக் திருடப்பட்டிருந்தது.
இந்த சம்பவம் குறித்து வேல்முருகன் அண்ணாநகர் போலீசில் புகார் செய்தார். போலீசார் வழக்கு பதிவு செய்து பைக் திருடிய ஆசாமியை தேடி வருகின்றனர்.
மதுரையிலிருந்து நமது நிருபர்
