மண்ணெண்ணெய் குண்டு வீச்சு வாலிபர் கைது.
மதுரை; மதுரை செல்லூர் மீனாம்பாள்புரம் சத்தியமூர்த்தி தெருவை சேர்ந்தவர் பாலமுருகன். இவரது உறவினர் மேலக்கால் காளியம்மன் கோவில் தெருவை சேர்ந்த தீபன் சக்கரவர்த்தி 33. பாலமுருகனின் மகளை திருமணம் செய்து தரும்படி தீபன் சக்கரவர்த்தி கேட்டுள்ளார்.
இதற்கு பாலமுருகன் மறுத்துவிட்டார். இதனால் ஆத்திரமடைந்த தீபன் சக்கரவர்த்தி பாட்டிலில் மண்ணெண்ணெய் ஊற்றி நிரப்பி பாலமுருகன் வீட்டில் பட்டப்பகலில் வீசியுள்ளார். இந்த சம்பவம் குறித்து பாலமுருகன் செல்லூர் போலீசில் புகார் செய்தார்.போலீசார் வழக்குப்பதிவு செய்து தீபன் சக்கரவர்த்தியை கைது செய்தனர்.
வீடு புகுந்து 15 பவுன் நகை பணம் திருட்டு.
மதுரை; மதுரை தனக்கன்குளத்தில் வீடு புகுந்து 15 பவுன் நகை மற்றும் பணத்தை திருடிச்சென்ற ஆசாமியை போலீசார் தேடி வருகின்றனர்.
தனக்கன்குளம் முல்லை நகர் மெயின் ரோடுவை சேர்ந்தவர் ராமச்சந்திரன்59. இவர் வெளியே சென்றிருந்த நேரம் இவர் வீட்டுக்குள் புகுந்த மர்மநபர் வீட்டில் பீரோவில் வைத்திருந்த பதினான்கரை பவுன் தங்க நகைகள் மற்றும் பணம் ரூபாய் 15 ஆயிரத்தை திருடிச்சென்று விட்டனர்.
இந்த சம்பவம் குறித்து ராமச்சந்திரன் எஸ் எஸ் காலனி போலீசில் புகார் செய்தார் .போலீசார் வழக்கு பதிவு செய்து நகை பணம் திருடிய ஆசாமியை தேடி வருகின்றனர்.
வாலிபர் தூக்கு போட்டு தற்கொலை காரணம் என்ன போலீஸ் விசாரணை.
மதுரை; மதுரை அண்ணாநகர் யாகப்பா நகர் பாண்டியன் நகர் முதல் தெருவை சேர்ந்தவர் கருத்தப்பாண்டி 31. இவர் சில நாட்களாக மன உளைச்சலில் இருந்து வந்துள்ளார். இந்த நிலையில் வீட்டில் தனியாக இருந்தபோது தூக்கு போட்டு தற்கொலை செய்து கொண்டார்.
இந்த சம்பவம் குறித்து மனைவி நாகஜோதி அண்ணாநகர் போலீசில் புகார் செய்தார். போலீசார் வழக்கு பதிவு செய்து கருத்தப்பாண்டியின் தற்கொலைக்கான காரணம் குறித்து விசாரணை நடத்தி வருகின்றனர்.
மன அழுத்த நோயால் பாதிப்படைந்த வாலிபர் தூக்குபோட்டு தற்கொலை.
மதுரை; மதுரை வண்டியூர் குறிஞ்சி நகர் 8வது தெருவை சேர்ந்தவர் ஹரிராமன் 32. இவர் மன அழுத்த நோயால் பாதிக்கப்பட்டிருந்தார். அதற்கான சிகிச்சையும் பெற்று வந்தார். இந்த நிலையில் அவர் வீட்டில் தனியாக இருந்தபோது தூக்கு போட்டு தற்கொலை செய்து கொண்டார் .இந்த சம்பவம் குறித்து மனைவி சதுர்த்திகா கொடுத்த புகாரில் அண்ணாநகர் போலீசார் வழக்குப்பதிவு செய்து விசாரணை நடத்தி வருகின்றனர்.
பெண் இளநீர் வியாபாரியை மிரட்டி தாக்குதல் ஆட்டோ டிரைவர் கைது.
மதுரை; மதுரை விளக்குத்தூண் பகுதியில் பெண் இளநீர் வியாபாரியை மிரட்டி தாக்கிய ஆட்டோ டிரைவரை போலீசார் கைது செய்தனர்.
பொன்மேனி மேல தெருவை சேர்ந்தவர் பாப்பாத்தி 40. இவர் கீழ ஆவணி மூல வீதியில் இளநீர் கடை நடத்தி வருகிறார். மதுரை விளாங்குடி சொக்கநாதபுரம் முதல் தெருவை சேர்ந்தவர் பிரபு 46. இவர் ஆட்டோ ஓட்டி வருகிறார்.
இவர் அடிக்கடி இளநீர் வியாபாரி பாப்பாத்தியை அவதூறாக பேசி தகராறு செய்து வந்துள்ளார்.இந் நிலையில் சம்பவத்தன்று அவர் பாப்பாத்தியை அவதூறாக பேசி அவரை தாக்கியுள்ளார்.இந்த சம்பவம் குறித்து பாப்பாத்தி விளக்குத்தூண் போலீசில் புகார் செய்தார்.போலீசார் வழக்குப்பதிவு செய்து அவரை தாக்கிய ஆட்டோ டிரைவர் பிரபுவை கைது செய்தனர்.
வாலிபரை மிரட்டி செல்போன பறித்த மற்றொரு வாலிபர் கைது.
மதுரை டிச 24 மதுரை டவுன்ஹால் ரோடு பகுதியை சேர்ந்தவர் பைராப்தாஸ் 22.இவர் சுப்பிரமணியபுரம் முதல் வீதியில் நடந்து சென்ற அப்போது அவரை வழிமறித்து எம்.கே.புரத்தைச் சேர்ந்த ராமர் மகன் சக்திவேல் 22 என்ற வாலிபர் ரூபாய் பத்தாயிரம் மதிப்புள்ள செல்போனை பறித்துச் சென்றுவிட்டார்.
இந்த சம்பவம் குறித்து பைராப்தாஸ்ஜெய்ஹிந்த்புரம் போலீசில் புகார் செய்தார். போலீசார் வழக்குப்பதிவு செய்து அவரிடம் செல்போன் படித்த வாலிபர் சக்திவேலை கைது செய்தனர்.
வாலிபரை தாக்கிஅரிவாளால் வெட்டிய 2 பேர் கைது.
மதுரை; பழங்காநத்தத்தில் ஆடு திருடியதாக சந்தேகித்து வாலிபரை தாக்கி அரிவாளால் வெட்டிய 2 பேரை போலீசார் கைது செய்தனர்.
பழங்காநத்தம் காளியம்மன் கோவில் தெருவை சேர்ந்தவர் மணிவண்ணன் என்ற பூனை மணி 25. அனுப்பானடி தேவகன்னி தெருவைச் சேர்ந்தவர் வெங்கடேஷ் 38. பழங்காநத்தம் மைனர்தோப்புவை சேர்ந்தவர் அய்யனார் 38. இவர்களின் ஆடு திருடு போய்விட்டது. இந்த ஆட்டை மணிவண்ணன் திருடியதாக சந்தேகித்து அவரிடம் தகராறு செய்து அவரை தாக்கிய அரிவாள் மற்றும் வாளால் வெட்டியுள்ளனர்.
இந்த சம்பவம் குறித்து மணிவண்ணன் சுப்பிரமணியபுரம் போலீசில் புகார் செய்தார். போலீசார் வழக்கு பதிவு செய்து அவரை தாக்கி அரிவாளால் வெட்டிய வெங்கடேஷ்38, அய்யனார் 38 ஆகிய இருவரையும் கைது செய்தனர்.
