போலீஸ் என கூறி மூதாட்டியிடம் பத்தரைபவுன் செயின் பறிப்பு .
மதுரை: மதுரை சம்பக்குளம் முதல்தெருவை சேர்ந்தவர் கிலாரி63. இவர் அதிகாலை அழகர்கோவில் மெயின்ரோட்டில் நடந்து சென்றபோது அவரை இரண்டு ஆசாமிகள் வழிமறித்தனர்.
அந்த ஆசாமிகள் தங்களை போலீஸ் என கூறியும் பாதுகாப்பாக நகையை அணிந்து கொள்ள வேண்டும் என்று கூறி அவருடைய கவனத்தை திசை திருப்பினர். பின்னர் அவர் அணிந்திருந்த 10 பவுன் நகையை வாங்கி ஏமாற்றி சென்று விட்டனர்.
இந்த சம்பவம் குறித்து கிலாரி திருப்பாலை போலீசில் புகார் செய்தார். போலீசார் வழக்குப்பதிவு செய்து அந்த ஆசாமிகளை தேடி வருகின்றனர்.
மதுரை கோர்ட்ஸ் பாலம் அடியில் நிறுத்தி வைத்திருந்த 9 பைக்குக்கு தீ வைப்பு.
மதுரை: மதுரை கோட்ஸ்பாலத்தின் அடியில் ஒன்பது பைக்குகள் நிறுத்தி வைக்கப்பட்டிருந்தன. இரவுபகலாக நின்ற இந்த பைக்கிற்கு மர்ம ஆசாமிகள் சிலர் தீ வைத்து விட்டு சென்றனர்.
தீயில் கருகி இவைகள் அனைத்தும் நாசமாயின. இந்த சம்பவம் குறித்து திலகர் திடல் எஸ்.எஸ்.ஐ துரை கொடுத்த புகாரின் பேரில் திலகர்திடல் போலீசார் வழக்குப்பதிவு செய்து பைக்குக்கு தீ வைத்து எரித்த ஆசாமிகளை தேடி வருகின்றனர்.
ஓட்டல் அறையில் ஊழியர் சாவு காரணம் என்ன போலீஸ் விசாரணை.
மதுரை: மதுரை அருகே மங்களாபுரம் புதுதாமரை பட்டியை சேர்ந்தவர் முருகன் 45. இவர் மாட்டுத்தாவணியில் கிளாக்ரூம் எதிரே உள்ள ஓட்டலில் ஊழியராக வேலை பார்த்து வந்தார்.
இரவு வேலை முடிந்து தூங்க சென்றவர் அதிகாலையில் பிணமாக கிடந்தார். இந்த சம்பவம் குறித்து மனைவி ரேவதி மாட்டுத்தாவணி போலீசில் புகார் செய்தார். போலீசார் வழக்குப்பதிவு செய்து அவர் சாவுக்கான காரணம் குறித்து விசாரணை நடத்தி வருகின்றனர்.
வாலிபர் தூக்குபோட்டு தற்கொலை காரணம் என்ன போலீஸ் விசாரணை.
மதுரை: மதுரை நாராயணபுரம் இந்தியன் பேங்க் காலனியை சேர்ந்தவர் பாண்டி மகன் திருமலை குமரன் 26. இவர் சில தினங்களாக மன உளைச்சலில் இருந்து வந்துள்ளார்.
இந்நிலையில் வீட்டில் தனியாக இருந்த போது தூக்கு போட்டு தற்கொலை செய்து கொண்டார். இந்த சம்பவம் குறித்து தல்லாகுளம் போலீசார் வழக்குப்பதிவு செய்து இவரது சாவுக்கான காரணம் குறித்து விசாரணை நடத்தி வருகின்றனர்.
மயங்கி விழுந்து ஒருவர் பலி.
மதுரை: மதுரை வில்லாபுரம் இளங்கோ தெருவை சேர்ந்தவர் பாஸ்கர் 51. இவர் மேல அனுமந்தராயர் தெருவில் உள்ள ஒரு கடிகார கடைக்கு சென்றிருந்தார்.
அங்கு அவர்திடீரென்று மயங்கி விழுந்து பலியானார். இதுகுறித்து அவரது மனைவி மஞ்சுளா கொடுத்த புகாரின் பேரில் போலீசார் வழக்குப்பதிவு செய்து அவரது சாவுக்கான காரணம்குறித்து விசாரணை நடத்தி வருகின்றனர்.
வாலிபர் வீட்டில் தூக்குப்போட்டு தற்கொலை போலீஸ் விசாரணை.
மதுரை: மதுரை சிந்தாமணி போஸ்ட் ஆபீஸ் தெருவைச் சேர்ந்தவர் பாண்டி மகன் முத்துப்பாண்டி 25. இவர் சில தினங்களாக மன உளைச்சலில் இருந்து வந்துள்ளார்.
இந்நிலையில் வீட்டில் தனியாக இருந்தபோது தூக்கு போட்டு தற்கொலை செய்து கொண்டார். இவரது தற்கொலை குறித்து அண்ணன் பாண்டி கண்ணன் கீரைத்துரை போலீசில் புகார் செய்தார்.
போலீசார் வழக்குப்பதிவு செய்து முத்துப்பாண்டியின் தற்கொலைக்கான காரணம் குறித்து விசாரணை நடத்தி வருகின்றனர்.
மதுரையில் பிரபல ரவுடி குண்டர் சட்டத்தில் கைது.
மதுரை: மதுரையில் பல்வேறு வழக்குகளில் தொடர்புடைய ரவுடியை போலீசார் குண்டர் சட்டத்தில் கைது செய்தனர்.
தேனி மாவட்டம் ஆண்டிபட்டி தாலுகா ஆலாந்தூர் கிழக்குத்தெருவை சேர்ந்தவர் தெற்கத்தி கருப்பையா மகன் முருகன் 28. இவர் மீது மதுரை நகர் மற்றும் மாவட்டத்தில் உள்ள காவல் நிலையங்களில் பல்வேறு திருட்டு கொலை முயற்சி வழக்குகள் நிலுவையில் உள்ளன.
இவரை போலீசார் கைது செய்து மதுரை மத்திய சிறையில் அடைத்துள்ளனர். இந்நிலையில் இவரை போலீஸ் கமிஷனர் திரு.பிரேம்ஆனந்த்சின்கா உத்தரவின் பேரில் அண்ணாநகர் போலீசார் ரவுடிமுருகனைகுண்டர் தடுப்பு சட்டத்தில் கைது செய்தனர்.
மதுரையிலிருந்து நமது நிருபர்
